فاجأت الإعلامية المصرية المثيرة للجدل ياسمين عز، متابعي برنامجها التلفزيوني "كلام الناس" الذي يبث عبر قناة "إم بي سي مصر" بتوجيه رسالة إلى النجمة العالمية شاكيرا على خلفية أزمة انفصالها عن لاعب كرة القدم الإسباني السابق جيرارد بيكيه.
وقالت "عز" خلال الحلقة التي عرضت الليلة الماضية، إن شاكيرا لا تتوقف عن "التلقيح" على بيكيه، وأخيرًا أصدرت أغنية جديدة لهذا الهدف، مطالبة إياها بالكف عن ذلك، ومؤكدة أن بيكيه لم يتحمّل صوتها العالي.
وأضافت "أنا مقدر وجعها، شاكيرا نجمة النجوم وعندها معجبين من العالم كله، بس الست ست مهما كانت هي مين أو معاها إيه، التلقيح أحيانًا بيكون شكل من أشكال الوجع والألم والندم على الانفصال".
وتابعت "أنا ليا أكتر من عتاب على شاكيرا، أنتوا خلاص سيبتوا بعض خلاص سواء إنتي الغلطانة أو هو الغلطان، ولادكم ملهمش ذنب تبقى سيرة أبوهم وأمهم على لسان الناس كل يوم، مينفعش ساشا ابنك الصغير يروح مدرسته الصبح وزملايه يتريقوا عليه ويقولوا يلا يالي مامتك بتقول على باباك كذا كذا في الأغنية".
وأكملت: "إنتِ وقت الانفصال قلتي إحنا انفصلنا عشان مصلحة ولادنا، فهل من مصلحتهم يبقى العالم كله بيتكلم على أبوهم بالطريقة دي، ولا عشان الراجل ساكت تفضلي تلقحي عليه وتهاجميه في الرايحة والجاية، النهايات أخلاق يا شاكيرا، مش كده، الراجل عشرة وعيش وملح 12 سنة".