بدرية طلبة تنتقد آراء ياسمين عز: إحنا ماشيين بالعلاج وخلتينا نكلم أنفسنا

سخرت الممثلة المصرية بدرية طلبة من رأي الإعلامية ياسمين عز، بعد أن طالب الأخيرة من النساء المتزوجات بتفخيم أزواجهن، ومناداته بألقاب معلقة: ”قوليله يا أستاذ محمد تحب تشرب إيه، مفيش حاجة اسمها يا محمااا".
وردت طلبة على ياسمين عز بفيديو وثقته عبر حسابها في فيسبوك قالت فيه: "ايه يا ياسمين أحنا ماشيين بالعلاج، كل واحدة فينا فيها اللي مكفيها، اللى متجوزة ومستنياها تقول يا أستاذ محمد فيها اللي مكفيها، بدل ما تطول فى المد بالألف مفيش وقت الناس بتكح تراب وانتي جاية تقولي لها مدي بالألف، يعني الكلكعة اللي في قلبي منك زادت".
وأضافت الممثلة المصرية: "أنا لو قلت كده هيديني بطبق الملوخية في وشي، إنتي بتوقعي توقيع غير مشروع وممكن تكوني قاصدة منه خير، بعد ما أقوله يلا يا محمد أقوله محمد بمد الالف واتنحنح شوي، لا يا ياسمين لا، والله يا ياسمين يوم ما كنت بقوله يا قلبي، أحس إني في إيه، لا وقت للدلع المرق، بصي يا ياسمين إنتي خلتينا فعلا نكلم نفسنا".
واختتمت الفيديو، قائله: "وبعدين إي الصوت الشتوي ده يعني الست تلبس بطانية وهي بتتكلم ولا اي، وحتة الزوجة التانية الرجالة نفسهم مش مقتنعين، دانتي ممكن تروحي تقضي على جوزك يوم الصباحية".
https://web.facebook.com/watch/?v=1231437900793349
وبالعودة إلى تصريحات ياسمين عز في برنامجها التلفزيوني، فقد قالت أيضًا: "أوعي ما تكمليش آخر حرف من اسم الراجل زي ما أنتِ ما تقبليش ياكل آخر حرف في اسمك، هل تقبلي يكون اسمك سماح وينادي عليكي بسمااا..قولي له أستاذ للتفخيم ومحمد للتنعيم الشتوي.. وبنقول يا مش أيها، لأن يا للقريب الحبيب“.
ولفتت ياسمين: ”مفيش حاجة اسمها جوزك أستاذ محمد بينزل السبت من البلكونة، لازم نحافظ على تفخيمه، أنا بعتذر لك الغي السبت أرجوكي ما ينفعش يقف في البلكون ينزل السبت أنتِ كده هتهزي كيانه“.
كما وجهت ياسمين عز نصائح للسيدات المتزوجات من مهندسين، قائلة: ”لو زوجك مهندس لازم تحسسيه بالدفا والحنان لأن حياته كلها مربعات ودواير ومستطيلات، ومحتاج يرتاح، وبروزي اسمه بين قوسين مفخمين ومزركشين ومزينين، قولي له الباشمهندس وفخمي فيه قدام صحابك، قولي لصاحبتك أن فتح ليكي البلكونة اللي في التجمع على النيل وبقيت الشوف النيل من بلكونتي لأنه راجل خارق يقدر يعمل أي حاجة“.
وفي الشأن الفني، كانت بدرية طلبة قد انتهت من تصوير فيلمها الجديد "ساعة إجابة" بطولة سوسن بدر، غادة عادل، شريف سلامة، آيتن عامر، نجلاء بدر، انتصار، محمد ثروت، فيدرا، فراس سعيد، إيمان السيد، مراد مكرم، أحمد فتحي، أحمد طلعت، لطيفة فهمي، مجدي البحيري، بالإضافة إلى المغني الشعبي عمر كمال الذي يشارك في الفيلم بالغناء أيضا.