ميار الببلاوي بعد الهجوم عليها: فكرت بإنهاء حياتي بسببكم لولا إنه حرام
أرشيف فوشيا
ردت الممثلة المصرية المعتزلة، ميار الببلاوي، على الهجوم الذي تعرضت له في الآونة الأخيرة بعد تصريحاتها عن المشهد الجريء التي تحدثت عنها في فيلم ”ديسكو ديسكو“، ونصيحة الفنانة نجلاء فتحي لها لإقناعها بتجسيده في شهر رمضان.
وقالت الببلاوي في رسالة طويلة دونتها عبر حسابها في "إنستغرام" إنها لن تدافع عن نفسها، ولن تتحدث بأنها على صواب، ولكنها تتكلم بعفوية ولا تعرف الخبث، كما لا تقصد الإساءة لأي أحد من زملائها الذين تحبهم وتقدرهم.
وأضافت الفنانة: "بعتز بأي عمل شاركتهم فيه طوال السنين اللي فاتت وأنا لا عاوزه أجيب سيرة الفيلم ولا المشهد ولا يشرفني، ونفسي انسى والناس تنسى بس معرفش ليه بعد 25 سنه بينبشوا في الماضي".
وأوضحت: "في فنانات عاملين مئات الأفلام وفيها مشاهد نسأل الله المغفرة اشمعنى ميار اللي لازم تترجم وتتبهدل وكل اللي عاوز يعمل شو يبقى عليا، أنا برفض كل يوم مقابلات في برامج لكن مروة صبري أخت زميلتي عبير، وبحبهم هما الاثنين غير كده أنا حرمت أي مقابلة غير لما أعرف طبيعة الأسئلة."
واستكملت: "هركز في كل كلمة ومش هذكر أسماء ولا مواقف بس الصحفيين واليوتيورز يرحموني من العناوين اللي ملهاش علاقه بالكلام اللي جوه الفيديو وبالنسبة للتريند اللي أنا عاوزه اركبه حد الله إني أركب التريند بشتيمه الناس ليا، وعلشان أكدلكم أنا محوله موبايلي ومبردش على اي صحفي".
ولفتت: "أنا نفسيتي تعبت وجالي اكتئاب وابني مضايق جدا وأختي كده كفايه وبالنسبة لاني بعمل كده علشان أنا اتنسيت وعندي حب للظهور قولوا اللي يعجبكم، أنا ناجحة في برنامجي ولله الحمد وراضية بيه ولو جالي شغل فدا رزق أشكر عليه ربنا مجاليش مش هلجاء للطرق الرخيصة دي علشان اشتغل وبالنسبة للميكب والرموش والاظافر حاضر هشلهم علشان ابقى كده واجهة للحجاب دا كل اللي عندي وأفوض أمري إلى الله إن الله بصير بالعباد".
وعلقت ميار على منشورها قائلة :" كفايه استحلفكم بالله كفايه لولا إن الانتحار حرام استغفر الله العظيم كنت قتلت نفسي عمري ما حسيت كمية الظلم دي إلا اليومين دول والله ربي شاهد على الافترا الناس اتهمتني بيه لمجرد إني قلت الحق أو حبيت أدافع عن نفسي، تبريراتكم غير مقبولة عندي ومش صح وافتراء أرحموني يرحمكم ربنا طب اهج واسيب بلدي وأتغرب أنا وأبني أعمل ايه يا خلق".
حديثها عن المشهد الجريء
وكانت ميار الببلاوي قد تحدثت عن مشاهدها الجريئة في فيلم ”ديسكو ديسكو“ وكواليس تصويرها في رمضان، خلال استضافتها في برنامج ”قعدة ستات“ من تقديم مروة صبري عبر قناة ”القاهرة اليوم“.
وكشفت الببلاوي: ”الفيلم كله متصور في رمضان وأنا عندي عقدة من موضوع رمضان دا، آه كنت شابة وبلبس عادي، لكن كان في مشهد مع عمرو عبد الجليل مكنتش عاوزة أصوره لأن كنا في رمضان لدرجة أني دخلت الحمام وقفلت على نفسي بالمفتاح وقعدوا يخبطوا عليا كنت مستنية المغرب يأذن قلت لنفسي حتى لو استغفر الله العظيم هعمل حاجة غلط ميبقاش في الصيام“.
يشار إلى فيلم ”ديسكو ديسكو“ إنتاج 1993، وهو من بطولة: نجلاء فتحي، وصلاح ذو الفقار، ومحمود حميدة، وشريف منير، وعمرو عبد الجليل، ووفاء عامر، وعبد الله محمود، وميار الببلاوي، من تأليف عبد الحي أديب، وإخراج إيناس الدغيدي.
يذكر أن ميار الببلاوي ممثلة ولدت في 24 ديسمبر 1972، تخرجت في كلية الآداب، وبدأت حياتها الفنية كممثلة إعلانات، ثم انتقلت إلى السينما والتليفزيون، وارتدت الحجاب.
