كشفت الفنانة المصرية صفاء جلال عن السر وراء استمرار زواجها منذ سنوات طويلة في الوقت الذي أكدت فيه أن معظم صديقاتها أصبحن "مطلقات" بسبب عدم مقدرتهن على التعامل مع أزواجهن.
وقالت الممثلة المصرية البالغة 48 عاما من العمر، إنها تزوجت في سن الـ24 من رجل شرقي، واختارت أن تمشي على هواه، مؤكدة أن زوجها يسعى جاهدا لفعل أي شيء حتى تستمر علاقتهما على الطريق الصحيح.
90% من زميلاتي مطلقات
وأوضحت "تزوجت وأنا عندي 24 سنة واخترت أتجوز راجل شرقي وأمشي على هواه، وهو بيحاول يعمل كل حاجة علشان يبسطنا، ولما بيلاقيني بنجح بيشجعني وبيكون فرحان، والحياة الزوجية شراكة، والحمد لله بعمل شغل كويس ومش بيأثر على حياتي وبيتي وبناتي".
وأشارت صفاء جلال في لقاء تلفزيوني، أمس السبت، إلى أن 90 بالمئة من صديقاتها مطلقات والسبب، "لأنهم ما عرفوش يتعاملوا ويتوافقوا"، مضيفة "فيه رجالة عاوزة الحرق".
وقالت "طول ما فيه مودة ورحمة، الدنيا هتمشي، كل واحد فينا عنده مشاكل بيرجع بيها البيت، وبتحاولي تعملي توازن وتحاولي تحتوي جوزك وولادك حتى لو اتخانقنا إحنا مش ملايكة طالما بنحب بعض وبنقدّر بعض".
وتابعت "كل واحد فينا بيختار على حسب أولوياته، في واحدة أولوياتها تكون نجمة، وبتشوف أن شغلها بيديها الإحساس بالسعادة وكل شيء، وفي حد تاني بيختار البيت وفيه ناس بتختار الاتنين وأنا اخترت البيت وزوجي وبناتي وبعدين شغلي".
محاولات صفاء جلال لإنقاص وزنها
وخلال اللقاء، أشارت إلى أنها خضعت لعملية نحت قوام لجسمها، قائلة: "بعد سن الأربعين قابليتك لنزول الوزن بتكون قليلة علشان كده بحاول ألحق نفسي وأشتغل على نفسي وأروح الجيم وأعمل عمليات".
وأضافت "عملت عملية نحت من فترة، لأني كنت تخنت بشكل كبير، وبعد فترة سبت نفسي وتخنت تاني وخدت كبسولة المعدة علشان كنت بأكل كتير وعندي مشكلة في الأكل بالليل، وخسيت 15 كيلو وبكمل دايت وبروح الجيم".
وأكدت أن الرجيم وعمليات التخسيس تشكل مجهودًا كبيرًا على أي سيدة، خصوصا من تخطت 45 عامًا، مضيفة: "بعمل ده لأن الناس بتتخض لما تشوفني على الرغم من أنه عادي إني أتخن لأن أنا ست من حقي آكل وأشرب".
