أحدثت الممثلة المصرية فريدة سيف النصر تفاعلا كبيرًا على أحدث إطلالاتها؛ إذ غيّرت لون شعرها وقصت جزءا كبيرا منه.
وأطلت "فريدة" خلال الصور بشعر أصفر غير مهندم، وعلقت: "ربنا يستر ما تخافوش، دي مرحلة سحب اللون الأسود وقصيت شعري".
وأضافت: "حبيت أوريكم وبعد ما أعمل اللون والصبغة الجديدة نيو لوك، وأعمل شعري هاوريكم، ما تعرضوش دلوقتي، مش ده اللون، غيرت أصلي زهقت مني، وعلى فكرة بدون ميك أب، إن كان عاجبكم، الستات لما بتكبر بتجنن".
وتسببت التسريحة بردود فعل واسعة، فكتبت متابعة: ": "هي حرقت شعرها مش صبغت شعرها". وأضافت أخرى: "دي أحلى حاجة فيها كانت شعرها الأسود الغزير".
كما جاء في تعليق لإحدى المتابعات: "ليه تخلي الناس تضحك عليكي وإنتي في السن ده". تبعتها أخرى: "يمكن دور جديد شيرين ست محترمة وفنانة شاطرة.. ناسين لما تخنت مخصوص لمسلسل وحيد حامد". وأيضًا "اعملي اللي إنتي عايزاه بعيدا عن الصور والسوشال لأنك هتتعرضي للتنمر (وده مرفوض) وهتزعلي".
فريدة سيف النصر تنضم لأسرة مسلسل "جعفر عمدة"
وفي الشأن الدرامي؛ انضمت الممثلة المصرية لأبطال مسلسل "جعفر العمدة"، وعلقت: "ما شاء الله ولا قوة إلا بالله، حقيقي ورق حلو أوي، وكل الشخصيات تحف فنية، ودليل على عدم أنانية البطل النجم، وللكاتب على فهم عميق للتسلسل الدرامي وصدق الشخصيات، التي تكاد تقفز من الورق وليس بجديد عليه، بالنجاح للجميع يا رب".
كما دافعت عن مواطنها النجم محمد رمضان وذلك بعد انضمامها لفريق عمل مسلسله الجديد، وكتبت: "الناس الحلوة نفسيا تقول لي مبروك وده اللي أنا مستنياه منكم..
لكن السب والقرف ده لا هيزوده ولا ينقصه راجل بيسافر العالم كله بشغله.. وجمهوره هو اللي سانده مش الميت شخص اللي ورانا تهزيق في كل حتة".
وأضافت: "ما كفاية بقى هنا تباركولي على رزقي ودور جديد عليّا.. عايزين تسبّوه على صفحته وهو أرقى من إنه يرد كفاية.. حبابيه أكتر بكتير ربنا يهديكم".
وأكملت حديثها مادحة الفنان محمد رمضان: "ودليل على عدم أنانية البطل النجم.. وللكاتب على فهم عميق للتسلسل الدرامي وصدق الشخصيات التي تكاد تقفز من الورق وليس بجديد عليه".
