ردت الممثلة المصرية انتصار على حقيقة مشاهدتها للأفلام الإباحية، واصفة نفسها بأنها "مادة مثيرة للجدل وهناك من يريد الصعود إلى الشهرة على أكتافها".
وقالت انتصار في تصريحات تلفزيونية: "أنا لم أقل أنني أشاهد أفلام إباحية، هو حد بدأ خبر والجميع بيمشي وراه، ولم يفكروا يجتهدوا يقولوا هاتوا نشوف الفيديو قالت إيه".
وأضافت: "أنا مادة مثيرة للجدل أن حد يقعد ورا مني يشوف بقول إيه، عشان صريحة وواضحة ومختلفة، فطبعا ناس كتير عايزين يطلعوا على أكتافي، متهيألي مفيش تصيد، في فراغ".
حقيقة خلاف انتصار ومحمد رمضان
كما نفت الفنانة المصرية وجود خلاف بينها وبين محمد رمضان، بل وصفت الأمر بأنه سوء تفاهم، وعلقت: "أنا طلعت وقولت إنه كان صعبان عليا لما إجا مسرح البالون وهو صغير وفي بداية مسيرته وأنا كنت شغالة في المسرح ساعتها وكان نفسه يقدم أي دور وأنا كنت بمثابة الوسيط بينه وبين القائمين على المسرح".
وأضافت: "بالفعل أقنعتهم إنه يطلع على المسرح وأبدع وأنا صقفت له.. وهو فهم كلامي دا غلط وإني بعايره ولقيته قال تعليق مش حلو على كلامي وأنا مردتش والموضوع انتهى".
الانتقادات
وحول تعرضها للانتقادات بين فترة وأخرى، علقت انتصار: "أنا ماشية صح وهفضل ماشية صح واللي بينتقدوني بيحاولوا يحبطوني ويكسروني ولكن أنا مش بتأثر.. الناس نفعوني في إيه لما كنت لوحدي؟ ولذلك أنا مش بمشي ورا كلامهم، وبهتم بجمهوري اللي بيحبني بس".
وتابعت: "عندي مطوة في بيتي، وهي ذكرى من مسلسل البلطجي لأني كنت بجسد شخصية واحدة مجرمة، والمطوة فضلت معايا في شنطتي طوال فترة التصوير، وكنت ببقى مرعوبة من الكمين.. ولذلك احتفظت بيها في البيت عشان أفتكر الأيام دي، وهي مش للحماية ولو عايزة أحمي نفسي هجيب مسدس".
وتحدثت أيضًا على تريند (المرأة ملزمة برعاية أطفالها أم لا)، قائلة: "دا كلام ملوش لازمة دلوقتي.. ولكن أنا هتكلم عن الستات المطلقات لأن الست المطلقة وبتشتغل في نفس الوقت يبقى بتنتحر وأنا زيهم وبحاول أنجو بنفسي".
