وجّهت الإعلامية ميار الببلاوي رسالة نارية للفنانة شيرين عبد الوهاب، على خلفية ظهورها بوزن زائد في حفل تكريم كلية طب وجراحة الفم والأسنان بجامعة مصر للعلوم والتكنولوجيا، بتخرج طلاب العام الدراسي 2021ـ2022، قائلة إنها شعرت بالخوف عندما شاهدت شيرين بتلك الحالة.
ورأت ميار الببلاوي في بث مباشر عبر حسابها في موقع فيسبوك، أن انفصال شيرين عبد الوهاب عن زوجها السابق حسام حبيب، يجب ألّا يؤثر على حالتها، حتى لا ينعكس ذلك على بناتها بتأثير سلبي.
وقالت الببلاوي: "انا خايفة إن شيرين تزعل ولكن بتكلم من حب، شوفت النجمة شيرين عبد الوهاب وهي بتتكرم من كام يوم، شوفت الفستان اللي هي لبساه الوزن اللي وصلتله، يا شيرين فوقي لنفسك ولأولادك الدنيا مش بتقف على أي راجل في العالم".
وأشارت إلى أنها مرت بتجارب مماثلة وبإمكانها أن تقدم النصحية لها، موضحة "اسأليني أنا، كلنا اتصدمنا واتطلقنا وفشلنا وعندنا مسئولية وحبينا واتسابنا، انتي مش ملك نفسك وملك الجمهور، وانتي مثل أعلى لبناتك".
وأكدت ميار "مينفعش بنتك تشوفك كده منهارة بالطريقة دي، عايزة تبعتيله رسالة إنك اتدمرتي؟ مينفعش تقوليله كده أو انتي من بعده زهدتي من الدنيا؟، بس أنا بحبك يا شيرين أوي وكان عندي ولد واتعرضت لنفس الموقف ومعايا ابني واتطلقت وكنت متعلقة بيه، ولكن الدنيا مشيت واتجوزت بعدها أكتر من مرة والدنيا مفرقتش معايا".
ولفتت الببلاوي إلى أنها على علم بأن حب شيرين لزوجها السابق حسام حبيب كان قويا، قائلة "عارفة إنك كان حبك جامد أوي، اقفي واثبتي وجودك وظبطي وزنك، اتخضيت من وزنك".
ورأت أن تأثير ذلك قد ينعكس على بنات شيرين، قائلة "بناتك كده هيتعقدوا، هيبقوا حاجة من الاتنين لما يرتبطوا، ياما هيبقوا عبيد تحت رجلين اللي هيرتبطوا بيه، ياما مش في أي علاقة، إحنا مستنينك شيرين الجدعة المصرية الأصلية اللي بتاخد الخبطة وتقف تاني بـ 100 راجل، معرفش ليه بقولك كده يمكن عشان حسيت بوجعك أكتر من مرة، عايزة أقولك بخبرتي دي الدنيا مبتقفش على حد يا حبيبتي وبصتك في وش بناتك بالدنيا".
