أثار تعليق مطرب المهرجانات المصري عمر كمال، حول نتائج الثانوية حالة من الجدل، بعدما نشر تدوينة على "فيسبوك" قال فيها إنها ليست نهاية المطاف، والأهم هو تحصيل النقود، معلقا: "الشاطر يجيب فلوس".
أحد المتابعين ويدعى "علاء حامد" ويقدم عبر صفحته على "فيسبوك" محتوى دينيا، علق على تدوينة عمر كمال، وكتب: "ربنا يهديك ويتوب عليك يارب، وربنا يرزقك من حلال.. صدقني إنت فيك خير كبير قوي ويارب تسمع كل حد بيحبك وبينصحك وبيتمنى لك الخير.. وتترك الأبواب الحرام الموسيقى والرقص والحفلات وتتأكد إن اللي عند ربنا أحسن بكتير.. والجنة غالية قوي.. وربنا مش حيضيع عبد رجع ليه.. حتلاقي ناس كتير بتنصحك في الكومنت هنا.. الناس دي هي اللي اللي عايز لك الخير بجد".
ودفع التعليق عمر كمال للرد عليه، وقال: "ياشيخ علاء أنا بقول الثانوية العامة مش نهاية الدنيا أهم حاجة انك تشتغل وتتعب وتحقق لنفسك عيشة كريمة وأكيد بديهي جدا هتكون بالحلال، أنا مش بتاع مخدرات ولا إنسان وحش بالدرجة دي علشان الناس تعاملني بالشكل دا، كلنا بنتعب وبنشتغل علشان نجيب فلوس ونعيش عيشة كويسة في الآخر ودا قصدي".
يذكر أن منشور عمر كمال الذي أثار الجدل، جاء فيه: "جبت 90%جبت 70% جبت 40% الشاطر اللي يعرف يجيب فلوس في الاخر".
والداعية الإسلامي ليس أول المعلقين على الأمر، فقد أثارت تدوينة نتيجة الثانوية العامة، أزمة بين عمر كمال، والبطل المصري عمر عصر، لاعب تنس الطاولة والحائز على المركز الخامس في دورة الألعاب الأولمبية الأخيرة طوكيو 2020، كأول لاعب مصري وعربي يصل إلى ذلك المركز.
وعلق عمر عصر: "دي فكرتك عن الحياة!؟ يعني الناس تتعب و تسهر و تذاكر و كل ده مش مهم! و الفلوس لو اتجابت من طريق شمال برده تبقي شطارة! و الله انت لا تستحق اسم " عمر " اللي انت شايله و مبهدله معاك".
الجدل الذي أثاره عمر كمال دفعه للرد على ما كتبه، وقال: "الغرض من البوست إني بقول أهم حاجة تشتغل في الآخر وتقدر تعيش كويس، يعني بلاش يأس حتى لو مجموعك مش كبير.. ليه الناس أخدت الكلام غلط! وجابته نحية الكسل وإن الإنسان ميتعبش!".
