دخلت الفنانة المصرية مها أحمد في نوبة بكاء شديدة على الهواء مباشرة، لتذكرها معاناة الفنان المصري الراحل إسماعيل ياسين في أيامه الأخيرة، وذلك في ذكرى رحيل أسطورة الكوميديا المصرية.
الممثلة المصرية التي تقدم برنامج "تفاحة مصرية" على فضائية "الشمس"، انهارت باكية في حلقتها التي تناولت فيها ذكرى وفاة إسماعيل ياسين في الـ 24 من مايو/ أيار.
وأثارت مها مشاعر المشاهدين معها، الذين عبروا عن تعاطفهم معها، ووصفوها في تعليقهم على مقطع الفيديو الذي يصور لحظة بكائها بـ"طيبة القلب" و"النقية"، وغيرهما من الأوصاف.
وقالت مها: "في ناس كتير أبوهم بيبقى ميت ويبقى عندهم مسرح في نفس اليوم وينزلوا يعرضوا، لأننا اتعلمنا كده واتعلمنا الواجب علينا نعمل كده، لأن الجمهور ملوش ذنب".
وتابعت: "الواقعة دي حصلت مع جوزي الفنان مجدي كامل، والدته توفت الصبح، وراح دفنها وكان عنده مسرح مع النجم الكبير الله يرحمه نور الشريف، ومجدي مقدرش يعتذر ومقدرش يجيب حد بداله".
وأشارت مها أحمد قبل ذلك إلى دخول إسماعيل ياسين في حالة اكتئاب شديدة قبل وفاته، وإصابته بالنقرس؛ ما اضطره لأن يلبس الشبشب وهو يدخل إلى المسرح.
وقالت مها: "الناس مش بتحترم الكوميديان ولا بتقدره يكون عنده مشاكل شخصية في بيته ومضطر إنه أول ما يخرج من بيته ويركب عربيته ده لو كان عنده ويمشي يوزع ابتسامات على الناس، ومن جواه بيتقطع وبيموت بس مطلوب يبتسم على طول".
وأضافت "يا سلام بقى لو غلط غلطة هو ميقصدهاش تلاقي سكاكين بتقطع فيه، كأن الناس مستنية دبيحة يحطوها قدامهم وينهشوا فيها، مش بيفتكروا إن في يوم إن الكوميديان ده ضحكهم".
ومن ضمن التعليقات على الفيديو، قال باسل، " ماتزعليش يا مها ربنا يرزقك ويعوضك خير الحياة أصلا كلها هتخلص. ماتزعليش ربنا هيطبط عليكي ويبارك لك في ولادك واصلا ياريت ربنا يتوب عليكي وتسيبي الوسط الفاسد دة".
وأضاف باسل موجها حديثه للفنانة المصرية، "انت من أيام ترويض الشرسة وانت ناجحة، والناس مش ناسياكي.. ربنا يفك كربك".
وانتقدها آخر بسبب حديثها ذلك، قائلا "أستاذة مها ده مينفعش يطلع للجمهور وده غير مهني انك بدخلي المسائل الشخصية هنا، انت محتاجة تريحي اعصابك عشان ضرتي شكلك اكتر".
