شهدت مواقع التواصل الاجتماعي، حالة من الانقسام بين مؤيد ومعارض لقرار الشركة المتحدة المنتجة لمسلسل "نسل الأغراب" المتعلق بإيقاف التعامل مع المخرج محمد سامي.
وكانت الشركة المنتجة للعمل الذي أثار ضجة في شهر رمضان 2021، بسبب الدور الكبير لزوجة المخرج الممثلة المصرية مي عمر، على حساب النجوم المشاركين، قد أعلنت عن "وقف التعامل" مع المخرج وكاتب السيناريو المصري محمد سامي، في بيان مقتضب نشرته عبر حساباتها الرسمية على مواقع التواصل الاجتماعي.
ودخل نجوم على خط هذا قرار الشركة بحق سامي، وأبدوا رأيهم فيه، حيث كتبت آيتن عامر عبر "فيسبوك": "اتفقنا ام اختلفنا على جودة اخر اعماله و لكن دة مش حيخلينى انكر نجاحاته السابقة وتميزه ابدا او اشمت فى اللى حصل ده ".
وأضافت عامر: "عيش وملح ايه بس ؟ دة لو واكلين ..مع بعض هتتكلموا عن الناس احسن من كدة".
واختتمت: "الحب والكُره مش المقياس الوحيد أبداً عشان يخليك تاخد حذرك من الناس، ممكن يكون حد بيكرهك، بس معاييره الأخلاقية توقفه عند أي خطوة فيها أذى ليك .. وحد يكون بيحبك، ولما يقلب عليك يكون أوحش من أسوأ عدو ليك، قبل ما تدخل مشاعرك في تقييم الناس، إعرف أخرهم إيه، وحدودهم إللي مش هيتخطوها مهما حصل، وبعدين ابقى حبهم او اكرههم".
فيما دعم كلام آيتن المؤلف محمد أمين راضي، فرد عليها وقال: "ربع اللي شمتانين فيه دول انا شوفتهم بعيني..... يا في كومنتات يا في الحياة ".
وكتبت النجمة وفاء عامر: "مبروك اذبحوا وضحوا واشمتوا وزعزدوا علي وقف حال الناس احنا ليه بقينا كده باقية علي كلامي ولن اتغير".
لكن على الجانب الآخر، أظهر عدد من النجوم سعادتهم بقرار المتحدة ضد سامي، بسبب -ربما- لوجود بعض الخلافات، منهم النجمة أنغام، التي نشرت "ستوري" عبر إنستغرام، كتبت فيه: "اللهم لك الحمد حمدًا كما ينبغي لجلال وجهك وعظيم سلطانك"، وأرجع البعض هذا المنشور لخلافها الأخير مع سامي، حول أغاني تتر مسلسل "نسل الأغراب"، وجاء ذلك بعد قرار الإيقاف.
كذلك علقت ريم مصطفى، عبر "تويتر": "ولك مثل ما فعلت يومًا.. فأحسن الفعل" وهي التي كان لها علاقة مع سامي -أيضًا- في مسلسل "الأسطورة" بعد أن قام بقص بعض مشاهدها لصالح دور زوجته مي عمر.
فيما هاجمت مها أحمد، أبطال مسلسل "نسل الأغراب"، أحمد السقا وأمير كرارة، وقالت: "عوضي على الله دى الجمله اللى دايما بقولها لما اتصدم فاشخاص، الحكايه ياساده نجمين عملوا مسلسل واتنجمت عليهم بنوته لسه الف باء تمثيل واديتهم على قفاهم وركبت عليهم إلى ان اصبحت بطلة المسلسل وبطلة الدعايه للمسلسل وهما راضيين رغم ان طول عمرهم مبيعملوش كده مع أي زميله لهم اقربها انا" .
وأضافت: "النجم الاولانى بينى وبينه عيش وملح وزماله رشحت فمسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحده مبتداءه المفروض انه عارف قيمتى الفنيه وعارف انى اضافه له اتهرب منى وموقفش جنبى وباعنى رغم ان الكل عارف انى زى اخته "ندل".
واختتمت: "اما التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه طبعا محكلكوش قد ايه ندمت نفسى وعشت اسود ايام حياتى عياط واكتئاب وقلت عوضى عليك يارب ، تمر الايام والاتنين يعلو ويتجمعوا مع بعض فمسلسل واحد( على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعايه الدراما كامله لصالحها وهما مخدماتيه للاستاذه".
كذلك حصلت مشادة بين الإعلامية ريهام سعيد، والمخرج مجدي الهواري، بعدما نشر الأخير رسالة قال فيها: "عارفين المثل اللي بيقول ؛ لا يصح الا الصحيح ! ولا ايه ؟"، لترد ريهام: "بس مش انت الي تكتب البوست ده لانه في الاخر زميل والزملا يقفوا جنب بعض مش يشمتوا في بعض "، فيما علق الهواري على رد ريهام: "مين الاخر!! ومين الزميل!! ومين اللي بيشتم!! اعتقد كلامك لحد تاني!! وفي مكان تاني!!، رغم اني مش محتاج ابرر، ولكن ! انا سمعت الخبر من التعليقات، ومش مضطر أبدأ اقول المقصود الحقيقي بالبوست".
وتابع: "أعتقد ان حلفاني يكفي، ومش مضطر كمان ابرر. لاني اعتقد اني حر فيما ادونه على حسابي الشخصي، انا مش هخش ابدا في النوع ده من التريندات لاني مش من المدرسة ديه خااااالص ولا الناس اللي بتعمل كده حتي هتلاقي متابعيني واصدقائي شبهي ومحترمين كده وكمان ولا محتاج شهرة مثلاً وتاريخي يشهد على احترامي للجميع ومن الجميع، تحياتي" .
واختتم: "هتلاقي ناس تانية في اكونتات تانية عايزة لقطة وماشين مع التريند، مش هنا! ولا انا، نقطة" .
كما قوبل هذا القرار بموجة من السخرية على "تويتر"، فيما رجّح العديد من المتابعين، أن السبب يعود لانحياز مخرج "نسل الأغراب"، وكاتبه، لزوجته الفنّانة مي عمر، وتكبير مساحة دورها في العمل، على حساب نجميه أحمد السقا، وأمير كرارة.
من جانبه، اشار الكاتب الصحافي المصري هاني عزب، عبر صفحته على "تويتر"، اليوم السبت، إلى أن أسباب وقف التعاون مع سامي، عدم التزامه بالسيناريو المتفق عليه مع الشركة المنتجة، وعدم تسليم الحلقات المتبقية في موعدها.
وتابع أن من الأسباب أيضًا، منح مي عمر مساحة تمثيلية أكبر من الدور المتفق عليه، وإضافة مشاهد دون مبرر درامي، على حساب العمل.
كما قال إن: "هناك خلافات عديدة حصلت بين أبطال العمل أثناء التصوير لرفض ما يجري، مبينًا أن ميزانية العمل خرجت عن المتفق عليه.
يذكر أن مسلسل "نسل الأغراب" من بطولة النجوم: أحمد السقا، أمير كرارة، مي عمر، محمد دياب، فردوس عبد الحميد، أحمد مالك، أحمد داش، منة فضالي، ريم سامي، ملك زاهر، وغيرهم، ومن تأليف وإخراج محمد سامي.
وتدور أحداث العمل في إطار من الإثارة والتشويق وصراع قوي بين بطليه، السقا وكرارة.
