أعرب الفنان المصري محمد عبد الرحمن، عن سعادته بحصول مسلسله "الشركة الألمانية لمكافحة الخوارق"، على جائزة أفضل عمل أون لاين في 2020، في حفل جوائز الأفضل من مجلة "وشوشة".
وقال عبد الرحمن في لقاء مع موقع "فوشيا"، على هامش التكريم: "الحمدلله أنا مبسوط جدًا بالجائزة دي، أكيد طبعا أي حد بيتمنى إنه يكون موجود عالسجادة الحمراء وده تكريم مهم ليا".
وعن المقارنة بين مسلسله، وبين مسلسل "ما وراء الطبيعة"، قال: "ما وراء الطبيعة تحفة جدًا، إحنا عملنا رعب كوميدي، هما عملوا مسلسل بجد وكان حلو جدا، والناس بتحب تتفرج على الأعمال دي والدليل على كده إنه نجح".
وأضاف: "المفروض إننا ممثلين ونعرف نعمل كل حاجة، لسة مروحتش لمرحلة الأدوار الجادة أوي، وأتمنى ده يحصل قريب، أو يجيلي عمل يشجعني على إني أقدم دور جاد".
وعن الطقوس التي يلتزم بها في ليلة رأس السنة، مع اقتراب نهاية عام 2020، قال: "مش بروح في أي حتة في رأس السنة، بقعد في البيت وبتفرج على التلفزيون بس".
وكان محمد عبد الرحمن الشهير بـ"توتة"، قد أبدى فخره في حديث سابق مع "فوشيا"، بالتعاون مع النجمة غادة عادل ومواطنها عمرو عبد الجليل في فيلم "الخطة العايمة".
وقال عبد الرحمن على هامش العرض الخاص لفيلم "الخطة العامية" الذي يشارك في بطولته إلى جانب علي ربيع وغادة عادل وعمرو عبد الجليل: "شكرا جدًا للنجوم دول إنهم معانا في الفيلم، كملوا الصورة الي إن شاء الله هتبقى حلوة وهتعجب الناس بإذن الله".
وأردف: "إحنا فخورين إننا اشتغلنا مع الأستاذة غادة عادل والأستاذ عمرو عبد الجليل، وبإذن الله هننجح ونكسر الدنيا ويبقوا فخورين زي ما إحنا فخورين إننا بس مجرد إننا اشتغلنا معاهم".
واستطرد: "طبعًا المسرح أبو الفنون، وأملك أكثر من عرض لمسرحية خاصة، بفاضل بينهم وإن شاء الله أقدم حاجة كويسة، وأحب أبارك لأستاذ أشرف عبد الباقي على مسرحية اللوكاندة ويا رب تبقى لوكاندة السعد والهنا".
وواصل حديثه قائلًا: "أتمنى أشتغل مسرح تاني مع أستاذ أشرف عبد الباقي وكان نفسنا مسرح مصر ميتوقفش، بس كان في ظروف أقوى مننا والحمدلله، واللي جاي أحسن إن شاء الله".
