وصف الفنان المصري محمود حجازي، مسلسل "أبو العروسة" الذي شارك في بطولته، بـ"ابنه الكبير"، مشيرًا إلى أنه يعتز بهذا العمل على وجه الخصوص، ويعتبره الأقرب إلى قلبه بعد النجاح الساحق الذي حققه لدى الجمهور.
وقال حجازي في لقاء مع موقع "فوشيا"، على هامش حفل جوائز الأفضل لمجلة "وشوشة" عن عام 2020: "المسلسل ده اجتماعي أوي، كنت شوية بقدم حاجات مختلفة ومكنتش بعتمد على إن الناس تعرفني، كنت بسيبها بظروفها، المهم إني أكون بقدم الدور زي مانا متخيله حتى لو ببعد عن شخصية محمود حجازي، ومسلسل أبو العروسة بعتز بيه أوي الصراحة".
وأضاف: "الفنانة ولاء الشريف دفعتي وعشرة سنين ودي كانت حاجة لذيذة جدًا، بتعامل معاها على إنها أختي، وفجأة لقينا نفسنا هنحب بعض في المسلسل، فكان في كمية ضحك كتيرة أوي".
وتابع: "كمان الأساتذة الكبار المتواجدين في العمل، أنا فخور إني كنت موجود معاهم زي سوسن بدر وسيد رجب، والناس حست بالتفاصيل دي في البيوت".
وعن شعوره بكون الفنان المصري شريف منير، والد زوجته، أسما شريف منير، وطبيعة العلاقة بينهما، قال: "اللي حماه شريف منير بيحس بلذاذة كده، راجل برنس ولذيذ أوي، ده شرف ليا لو أنا شبهه زي ما بيتقال".
وعن علاقته بزوجته وطبيعة عملها كونها إحدى أشهر النجمات على السوشال ميديا ونجاحها في العمل الإعلامي، قال: "طبعا بشجع أسما وفي كل حاجة ببقى معاها، وهي لما بتلاقي الناس بتبارك لها، أنا دايما اللي بكون صريح وبقولها خلي بالك من الخطوات الجاية، لدرجة إنها بتقولي هو إنت خايف عليا ولا مش مبسوط؟، بس أنا علطول بتمنى ليها الأحسن وكان نفسي تكون موجودة معايا النهاردة، بس هي تعبانة شوية وخايفة من فيروس كورونا".
وبسؤاله عن طبيعة علاقته بـ"لارا" ابنة زوجته من زوجها الأول، قال: "دي بنتي بجد، وباباها محمود سكري شخص محترم جدا، وبقى صاحبي جدا، بنتواصل مع بعض دايما، وفي علاقة كويسة".
وأردف: "لما يبقى في بنت بتكبر في وسطنا، تحت أي قرار اتاخد لازم يكون في حياة صحية، لإن ربنا إدانا عقل علشان نقدر نفكر ونعالج كل المشاكل من غير ما نأذي حد، وفي الآخر كل واحد حر في حياته مادام مش بيأذي حد".
يُذكر أن مسلسل "أبو العروسة" تم عرضه على 3 أجزاء، وشارك في بطولته سيد رجب، وسوسن بدر، وأحمد صيام، ومدحت صالح، وصفاء الطوخي، ونيرمين الفقي، ومحمود حجازي، وديانا هشام، وعدد من النجوم الشباب.
