دافع الفنان المصري محمد أسامة الشهير "أوس أوس" عن الهجوم الكبير الذي تعرضت له زوجته خلال الأيام الماضية بسبب مشاركتها في حفل زفاف شقيقة الفنان مصطفى خاطر رغم عدم مرور 90 يوما على وفاة ابنها، حيث اتهمها بعض رواد السوشال ميديا بأنها نسيت طفلها الراحل ولم تعد تتذكره وهو ما أصابها بصدمة نفسية على حد قول زوجها.
وأضاف أوس أوس عبر انستغرام "أنا مش محتاج ابرر واحكى اى حاجه عن حياتى والست اللى قلبى اخترها كنت ساعتها فى اول موسم لتياترو مصر كنا نتقاضى مرتبات مش ممكن تفتح بيت واول ما اتجوزت كنت اقعد فى بيت ايجار كمان انا بس هكتفى بالنقطتين دول علشان اصحاب العقول والنفوس المريضه يعرفوا ويبطلوا نغمه (الفلوس بتعمل اكتر من كده ) الفلوس ممكن تشترى سرير بس ماتشتريش النوم !".
وأضاف:"مش انا بس دا اغلب المشاهير اللى بتحسدوهم على حياتهم دلوقتى ماتعرفش بدا من امتى واتبهدل ازاى ولولا وجود حد جنبه بيسنده ويدعمه ماكنش هيعرف يعدى من اى مشكله نفسيه او ماديه فى حياته.. ومش معنى انى بنزل اشتغل او بتصور وانا مبسوط ده معناه انى هموت من الفرحه بس دى مهنتى واجبى ناحيه جمهورى انى اخرجه من اى حزن هو فيه كل ده بعمله على حساب حزنى وجرحى ووجعى انا" .
وتابع:"فى الاخر بتشتم برضه ! انا بقول الكلام ده ولن اسمح باى تدخل فى حياتى الشخصيه مره اخرى سواء بالخير او بالشر او دخول اسم مراتى فى اى كلمه من كلام المرضى النفسيين ..مراتى اللى اخوها متوفى وابنها متوفى وما صدقت اول مره اخرجها نروح مناسبه ودمرتوها نفسيا تانى بكلامكم المريض.. حسبى الله ونعم الوكيل فيكم.. حقك عليا ياست الكل".
واختتم أوس أوس كلامه، قائلا:"سكت كتير وكنت بعدى لكن مفيش فايده.. كل واحد يركز فى حياته.. الطموح حلم مشروع عند كل الناس اسعى واتعب وكافح وربنا اللى بيكافئ مش البشر بدل ماتفضل تبُص فى حياه الناس ".
وكان رواد مواقع التواصل الاجتماعي تداولوا أول ظهور لزوجة أوس أوس بعد وفاة ابنها الطفل بشكل مفاجئ مؤخرًا وهو بعمر الثلاثة أشهر.
وسبق وحسم أوس أوس الجدل بشأن سبب وفاة ابنه الرضيع “علي”، وقال إن الوفاة كانت طبيعية، نافيًا ما تردد عن تعرضه لحادث في المنزل تسبب في وفاته، “وقال: “إنا لله وإنا إليه راجعون.. الله يرحمك يا على يا حبيبي.. متتعزش على اللي خلقك”، مضيفًا: “الوفاة طبيعية كان نايم وزي الفل، ربنا يصبرنا على فراقك".
يُذكر أن آخر أعمال الفنان محمد أسامة “أوس أوس” الدرامية، “مسلسل 2 في الصندوق”، الذي شارك في موسم مسلسلات رمضان 2020، من تأليف لؤى السيد وإخراج محمد مصطفى، وشاركه البطولة، حمدي الميرغني، حجاج عبد العظيم، نهى عابدين، بيومي فؤاد، صلاح عبد الله، انتصار، رحاب الجمل، هايدي رفعت، أحمد عبد الله محمود، وغيرهم.
