كشفت الفنانة الأردنية المقيمة في مصر مي سليم، تفاصيل الحادث الذي تعرضت له أخيرا، حيث نجت منه بأعجوبة بسبب تصادم وصف "بالمروع" بين 4 سيارات، على الطريق الدائري باتجاه المعادي.

وقالت سليم في تصريحات تلفزيونية: "لحد دلوقتي مش مصدقة!، هم كانوا بينزلوني بالعربية كانوا بيقولوا نزلوها العربية بتدخن.. ومكنتش عارفة أنا عايشة ولا دا خيال من كتر ما الحادثة كانت كبيرة أوي".

وروت سليم تفاصيل الحادث: "كنت رايحة تصوير لفيلم بطولة محمد ثروت وبيومي وأستاذ حجاج.. والغلطة مش غلطتنا كانت اللي سايق قدامنا وللأسف كان نام ولا حاجة ف دخل كل العربيات اللي وراه.. ولكن الحمد لله".

ووجّهت الشكر لكل من ساندها ودعمها: "أشكر كل الجمهور والناس وأصحابي اللي اتطمنوا عليا.. وساعات فيه حاجات بتحصل بتعرف غلاوتك عند الناس وأن فيه ناس بتحبك وأنت غالي عندهم.. وعرفت أد ايه فى ناس بتحبني".

حقيقة دخول ابنتها مجال التمثيل

ونفت سليم خلال اللقاء دخول ابنتها "لي لي" مجال التمثيل، مشيرة إلى أنها لا يمكن أن تجعلها تشارك في أي عمل درامي في عمرها الصغير، حيث ستتركها تختار مستقبلها وما تحلم به وحدها.

وأشارت إلى أنها لن تمانع دخولها التمثيل لو كان حلمها: "لا مش صحيح خالص، مش عشان أنا ضد إنها تدخل الفن، بالعكس لو دي هوايتها هبقى مبسوطة إنها بتعمل حاجة بتحبها، لكن لأنها صغيرة ومش عايزاها تبتدي صغيرة عشان عندها مدرسة، بس لما تكبر شوية وتحب تدخل التمثيل معنديش مشكلة".

آخر أعمالها

وفي الشأن الدرامي، شاركت الفنانة مي سليم في دراما رمضان الماضي في مسلسل "تلت التلاتة"، مع غادة عبد الرازق، كما تنتظر عرض مسلسلها الجديد "السجل الأسود" الذي كان من المفترض عرضه خلال دراما شهر رمضان الماضي، لكنه تأجل بسبب بعض الظروف الإنتاجية، والمسلسل من بطولة خالد سليم، وهالة فاخر، ومنذر رياحنة، ومحمد نجاتي، وأحمد عبد الله محمود، وحازم إيهاب، ومن تأليف ياسر بدوي، وإخراج جميل المغازي، وتدور أحداثه في 30 حلقة في إطار يمزج بين الأكشن والتشويق.