رّدت شهد ابنة الفنان المصري عمرو محمد علي، على اتهام والدها لها بـ"الجحود"، في تصريحات أطلقها أخيرا خلال لقاء تلفزيوني أكد خلالها أيضا أن زوجته تخلّت عنه وتركته بعد مرضه.

ونشرت شهد عبر حسابها الشخصي على موقع فيسبوك، مقطع فيديو ظهرت من خلاله وهي توجه رسالة لوالدها، قائلة: "بقالي كتير ساكتة وقلت لمامتي ما نتكلمش في حاجة، علشان حياتنا الخاصة ما حدش يعرف عنها حاجة، ولكن بصراحة زاد أوي، أنا اسمي شهد عمرو محمد علي معظم الناس ما تعرفش مين شهد لأنه بالنسبة لي اسم في البطاقة".

وأضافت: "مش هتكلم إنه قال عني جاحدة لأنه في الأول والآخر بابايا وبتمنى له الشفا، وماحدش يحكم على حد وهو ما يعرفش القصة كاملة، ماحدش عارف هي عملت إيه وإيه حصل بينهم أدى لانفصالهم، محدش يعرف هي عملت إيه عشاني 20 سنة بتصرف عليا لبسي وحضنتي لحد تانية جامعة وعملت عشاني كتير أوي وما أستحملش أسمع عنها نص كلمة وماحدش عارف الحكاية".

وتابعت: "حرام أكون طول ما أنا ماشية اشوف في الصفحات الست اللي سابت جوزها.. ليه الناس بتحكم على حد من طرف واحد، وعلشان ما أطولش عليكم الست دي بطلة عملت كل حاجة في الحياة عشاني عشان ابقى اإنسانة متعلمة، وكفاية تحكموا على حد وانتم ما تعرفوش القصة".

واختتمت رسالتها قائلة: "رسالة لوالدي بدعي له بالشفا ده أبويا مهما كان أما أهلي أنا آسفة مش مسامحة في كل كلمة باطل اتقالت في حق مامتي".

تصريحات عمرو محمد علي عن ابنته وزوجته

والجدير ذكره، أن الفنان عمرو محمد علي كان قد أشار خلال تصريحاته التلفزيونية إلى أن ابنته شهد لا تقوم بزيارته، بل تأخذ مصروفها منه فقط، إضافة إلى أن زوجته تخلّت عنه بسبب مرضه.

وأضاف: "أنا طلقت أم بنتي علشان مظلمهاش ويمكن ده هروب وأنا كنت بحبها أوي ومرضتش أتعبها معايا كان هيبقى صعب عليا".

وخلال اللقاء، تدخل شقيقه ووجه حديثه إليه: "قول الحقيقة يا عمرو أن زوجتك هي اللي تخلت عنك بعد مرضك ومتحملتش مرضك".

وتابع عمرو حديثه: "أنا متكفل بمصروف بنتي لحد دلوقتي وللأسف بتيجى تاخد مصروفها وتمشي ومش بتزورني، وأنا قولت لبنتي أنتِ جاحدة وداين تدان".