استهجنت الإعلامية المصرية، دعاء فاروق انتقاد ملابسها والتصميمات التي تروج لها عبر برنامجها أو صفحاتها على مواقع التواصل طوال الوقت.
ووثقت فاروق رسالة طويلة عبر حسابها في "فيسبوك"، كشفت خلالها أنها اعتادت منذ بداية حجابها على ارتداء الملابس التي تناسب كل مكان تكون فيه، مستغربة انتقاد البعض لما ترتديه خاصة أنها لا تفرضه على أحد.
وقالت فاروق: "تعودت منذ بداية حجابي على تغيير طريقة لبسي في كل مكان بشكل يناسب المكان، ارتدي في العمرة ورمضان والمساجد والصلوات عبايات، ارتدي في النادي مع الأولاد ترينينج سوت أو جامب سوت، وارتدي في البرنامج تايورات وكارديجان وجاكتات وبدل وفساتين، وأشكال مختلفة من الستايلات".

وأضافت: "ارتدي في الأفراح فساتين سواريه أو بدل سواريه، وارتدي على البحر بوركيني وعليه كاش شيفون واسع، وساعات أحب ألبس فساتين واسعة على البحر، ارتدي في البيت بيجامات وحينما أفتح الباب للأغراب ألبس إسدال عليها، لا اخرج بالإسدال ولا ارتدي عبايات طول الوقت".
وأوضحت أنها تجد "راحة في ارتداء ما يناسبني ويناسب المكان، ألبس اللي يريحني ويناسبني ولا أفرضه على أحد، ما الذي يدفع البعض للدخول فيا شمال طول الوقت بسبب لبسي، أنا عايشة عمري كله بلبس كده عادي، هو أنا عجبة، يعني اللي بقوله ده وتصنيفه الهدوم دي عجبة؟".
ولفتت: "مش الناس بتلبس كده ولا أنا هبطت من كوكب المريخ بقرون وديل ولابسة افاتار عشان كل صورة انزلها خاصة بالشغل والعارضين اللي بعرض لهم تصميماتهم لازم اتقطم بكلمتين من بتوع بتتغيري وبتنزلي وبتطلعي وحجابك بيقل وشكلك ومنظرك".

وتابعت دعاء حديثها: "وفيه نقطة أسفل الذقن تندب فيها رصاصة، وفيه سن نملة الدبانة، وفيه صابع مطرطق من الصندل طول الصيف جايب لي الكافية اوديه فين طيب.. ادينا بنلمه بشراب في الشتا اللي هو شهرين بس عشر شهور حر مبعرفش البس شرابات في الصيف، بتضرب صهد في النافوخ عدل، أخبيك فين يا صابعي، سيبوا صابع رجلي في حاله، صلوا على النبي يا جماعة واستغفروا الاستغفار بيجلب الرزق والله".
واختتمت دعاء: "جربوه كده كل ما اضايقك بسن نملة الدبانة أو صابع رجلي أو طرطوفة ودني، استغفري على طول والله أبرك من مليون تعليق، ربنا هيرزقك والله من وسع وهيفتحها عليكي، استغفروا ربكم إنه كان غفارًا، استغفر الله العظيم من كل ذنب عظيم، ربنا يرزقنا ويرزقكم من وسع يا رب".