شنّت الإعلامية المصرية، مروة صبري، هجوما على الفنانة، شيرين عبد الوهاب، بعد عودتها إلى الفنان حسام حبيب، عقب الخلافات التي حدثت بينهما مؤخرا.

وقالت صبري في برنامجها "قعدة ستات": "بعد كل اللي شفناه حسام حبيب مظلوم ويا حسام أنت اللي غلطان أنك وافقت ترجع لشيرين تاني".

وأضافت: "إنت حر بعد كده في اللي هيتعمل فيك لما يتقال أنك بتاخد فلوس وعارفها مصلحة لأنها شيرين عبد الوهاب وأنت مطرب لسه اسمك مش قد اسمها استحمل، لما يتقال أنك سرقت عربيات ودمرت حياتها وحياة بناتها وضربتها استحمل، لما أي حاجة تتقال عليك متبقاش تزعل أنت حصل فيك مرة واتنين وتلاتة وفي الآخر رايح تكتب كتابك على شيرين".

وأضافت منتقدة تصرفات حسين حبيب والد حسام قائلة: "الإفيه الأعلى أبو حسام حبيب من أسبوعين كان بيقوله أنت تربية ست واستفز العالم كله وكان واقف مع شيرين ضد ابنه، والنهاردة بيبارك لهم وبيتمنى يجيبوله حفيد بسرعة، أحنا بنهزر ولا أنتوا بتستخفوا بعقل الجمهور".

وأردفت: "يا عم خليك بعيد، وكنت رافض شيرين، دلوقتي أنت فرحان وهاتولي حفيد وبتحب شيرين".

وأضافت: "إنتوا كده بتلعبوا الكورة بالجمهور، الجمهور كله مشي تبع شيرين لو حبيبته هيحبوه، كرهتوا هتكرهوا، وإزاي نصدقك".

وتابعت مروة حديثها: "وفين مصداقية شيرين، وكل يوم طالعة بتصريح وتشتمي فيه، ومع ذلك لو في بينكوا مشاكل الدنيا والأخرة، إحنا كل اللي يهمنا منك فنك فقط، والتدخل الزائد في المشاكل الشخصية بقى بايخ".

كما أثارت مروة صبري الجدل بمنشور عن الفنانة شيرين عبد الوهاب قالت فيه: "بقولكوا إيه فرح شيرين عبد الوهاب وحسام حبيب يوم التلات اللي جاي ."

من جانبها، كانت شيرين عبد الوهاب قد أعلنت عن عقد قرانها على حسام حبيب، في مداخلة هاتفية مع الإعلامي عمرو أديب في برنامج "الحكاية" مساء الخميس.

وقالت إن عقد القران حضره عدد من المقربين جدا، وأشارت إلى أنهما "تعرضا لأعمال السحر التي كادت تفرق بينهما ولكنهما انتصرا عليها وقررا العودة إلى بعضهما من جديد".