رد الفنان المصري تامر حسني على أحد الأشخاص الذين حاولوا الوصول إليه خلال حفله الغنائي، واصفًا نفسه بأنه عاشق للغناء ويمتلك صوتًا مميزًا.
وكان الشاب أحمد حمادة، قد وثق عبر حسابه بموقع فيسبوك، قائلًا: "الناس كلها في حفل تامر حسني، لما وجدتني أحاول الوصول إليه، قاموا بحملي والنداء عليه، ولكنه لم يعبرني، أنا كنت بموت نفسي ربنا يعلم روحت إزاي؟".
وأضاف: "كنت بحاول الأخذ بكل الأسباب، الناس قالت لي كتير، روح له يمكن، اتبهدلت ولا استمتعت دقیقة، عشان كان نفسي في حاجة مش رايح حفلة، أنا رايح أحقق هدف ليا، ومع ذلك نزلت صورة، لقيت اللي بيقولي معاك فلوس تروح حفلات والشباب مش لاقي، والله أنا رايح هدية، حتى السفر رايح جاي ربنا يعلم بتعب وبعافر على حلمي إزاي؟ مطلبتش مساعدة حد يبقي متكسروش فيا".
ليرد عليه تامر حسني: "يا حبيبي يا أحمد قرأت كلامك، مسمهاش معبرش، اسمها مشافش، أو ما أخدش باله في وسط الآلاف دي كلها، واللي متعرفوش بس إن شاء الله هتعرفه لما ربنا يكرمك وتنجح وتقف على مسرح، إن معظم الوقت النور بيبقى في وش المطرب، ممكن أكون باصص في اتجاهك بس مش شايف التفاصيل".
وأوضح حسني: "معبرش دي لما يكون في ميعاد مسبقاً بينا ومهتمش، ولازم إنت تعرف حاجة مهمة، حفلة الألبوم تحديداً بتبقى محسوبة بالثانية، عشان أغانيها كتير، ابعت لي صوتك اسمعه، وأکید طالما إنت عندك كل الطاقة دي يبقى صوتك جميل ويا سيدي سهلة وملحوقة، واوعی تزعل من اللي اتريقوا عليك، لأنهم سبب إن صوتك يوصل لي، عسى أن تكرهوا شيئا وهو خير لكم، انشف يا ولد يلا ابعتلي صوتك فورا".

وكان تامر حسني قد احتفل بألبومه الجديد الذي حمل عنوان "عشأنجي"، خلال حفله الغنائي الذي أحياه في مدينة العلمين الجديدة، بحضور جماهيري غفير.
وقدم حسني خلال الحفل أغنية "عشأنجي"، وأغنية "خد مناعة"، وأغنية "أحلى كلام" و"بعد مؤقت"، من ألبومه الجديد وسط تفاعل كبير عند الحضور.