أعلنت الفنانة اللبنانية نيكول سابا عودة كليب أغنيتها الجديدة "سمك القرش" إلى موقع يوتيوب مجددًا، بعد أن فوجئ الجمهور بحذفها عقب طرحها بساعات قليلة.
وقالت سابا في تعليق لها عبر حسابها في تويتر: "الحمدلله الكليب رجع صار عاليوتيوب وهيدا اللينك الجديد".

وأضافت في تغريدة أخرى: "الي بدي قولو بس للأسف كمية الحقد والغلّ يلي الواحد بشوفها مش مسموحة! قديش في ناس بتشمت وبتفرح بالوقت يلي انت بتكون متضرّر بشغلك بعد تعب ومجهود ومصاري مدفوعة".
وتابعت نيكول سابا: "عكل حال هالشي بقوّي الانسان وبعلّمو يتجاهل أكتر وأكتر الناس الغيورة و بقلكن "بشفق عليكن لانو مش عارفين تكبتو قهركن وغيرتكن".

وكان الجمهور قد فوجئ بحذف الأغنية من يوتيوب دون معرفة الأسباب، لتعلق الفنانة نيكول سابا على ذلك: "أنا ما حذفت كليبي الجديد "سمك القرش" صار في مشكلة صغيرة عم نحلّها وان شاء الله ساعة وبيرجع بصير موجود عاليوتيوب"، مضيفة "الحمدلله العيون من اولّها مبلّشة بس خير كل شي بينحلّ والصبر جميل".
وأغنية "سمك القرش" من كلمات عبد الرحمن عاصم وألحان كريم عاشور وتوزيع أمين نبيل ومن إخراج جاد شويري.