دخل الفنان المصري عمرو عبدالعزيز في مشادات كلامية مع عدد من متابعيه عبر حسابه في موقع فيسبوك، على خلفية المنشور الذي دافع من خلاله عن حفل زفاف محمد فراج وبسنت شوقي الذي أقيم أمس في الغردقة.

وكان حفل زفاف فراج وشوقي حديث رواد مواقع التواصل الاجتماعي خلال الساعات القليلة الماضية بسبب ما وصفوه في التعليقات بـ"البذخ في كثرة حفلاتهما"، بالإشارة إلى حفل عقد قرانهما وحفل ما قبل الزفاف المعروفة بـ"ليلة الحنة".

وانتقد عبدالعزيز حالة الهجوم والجدل التي سببها، ودافع عن حق الفنانين في إقامة حفل زفاف، موضحا لمتابعيه الذين سألوا عن إقامة فراج وبسنت حفل زفاف سابقا: "دي كانت خطوبة السنة اللي فاتت".

وكتب الفنان الكوميدي تدوينة، قال فيها "على الناس المريضة اللي بتكتب كلام وحش شبه وشهم كده على فرح فراج وبسنت، ليه يا جماعة الناس بتكتب كلام وحش؟ لتقل خيرا أو لتصمت بدل ماتقولوا ربنا يسعدهم أو تتمنولهم الخير، ليه بتقولوا كلام زى ده على ٢ في يوم فرحهم وتقولوا كلام يجرحهم؟".

وأضاف "تخيلوا كده لو يوم فرح ابنك أو اخوك أو بنتك وحد كتب كومنت زي اللي انتوا كاتبينه ده وانتوا جيتوا بعد كده شوفتوه هيبقى احساسكم ايه وقتها، مانجرحش الناس وندايق الناس لو سمحتوا، اتمنوا الخير والفرحه للناس".

وتابع عمرو عبدالعزيز: "واحد وواحده فرحانين أن ربنا كرمهم واتجوزوا بعد تعب ومجهود سنين، بجد الناس بقت وحشة قوى والخوف منهم بيزيد يوم بعد يوم".

وتوالت التعليقات على عمرو عبدالعزيز، والتي جاء بعضها لتهاجم عبدالعزيز وكتب متابع: "مبدأيا يانجم ف الحالات اللي زي دي مينفعش غير أن نقول ربنا يصلح حال الجميع للشئ اللي يرضيه. دول مسؤولين عن تصرفاتهم لان دول مشاهير فيجب عليهم المحافظه ف الشكليات".

ورد عمرو عبدالعزيز:"ياسيدي انت مالك اولا دي اول جوازه ليهم، ثانيا إن شالله الواحد يتجوز كذا مره مش على سنه الله ورسوله انت زعلان ليه".

وعلق آخر: "ضريبة السوشيال ميديا، هتحط حياتك وتعرضها عالانترنت.. يبقى تستحمل الكلام اللي يتكتب ولازم تتقبل كل الاراء انت اللي اخترت، اما انك تعيش حياتك في صمت وفي هدوء وبعيد عن الانترنت واللايكات والمشاركات بشكل عام".