أحدث الفنان المصري توفيق عبد الحميد حالة من التساؤلات الجديدة بين الجمهور عقب تصريح آخر له قال فيه إن قرار العودة عن الاعتزال وارد ولكن بشرطين.
وقال عبد الحميد إن الشرط الأول هو تحسن حالته الصحية، والشرط الثاني "أخطاء الغير" والتي وصفها بأنها قابلة للنقاش، ولكن الأمر لا يتم في العلن، خاصة وأنهم في الوسط الفني أشبه بالعائلة الواحدة وبالتالي أخطاؤهم لا تناقش على قارعة الطريق.
هذا التصريح أحدثت ضجة من جديد حول الأسباب الحقيقية لقرار الممثل بالاعتزال، وأثارت الفضول لمعرفة ما المقصود بـ "أخطاء الغير".
وطالب عبد الحميد الجميع باحترام رغبته في الصمت وعدم إجراء أية مداخلات أو حوارات حول الأمر، موجها للجميع التهنئة بمناسبة حلول عيد الفطر.
وكان الفنان المصري قد أعلن مؤخرًا عن اعتزاله للفن بشكل مفاجئ.
وجاء الاعتزال بعد ما يقرب من 12 عاما قضاها بعيدا عن الأعمال، وسط سؤال متكرر للجمهور عن أسباب ابتعاده، لكنه عاد في شهر رمضان من خلال مسلسل "يوتيرن" بصحبة الفنانة ريهام حجاج.

وعقب قرار الاعتزال، قال العديد من المتابعين إن هناك أزمة وقعت بينه وبين الممثلة المصرية ريهام حجاج، وهو ما أصر على نفيه، مشيرا إلى كونه يعتبرها مثل ابنته.
لكن مصطلح "أخطاء الغير" في تصريحه الأخير أعاد الحديث عن وجود أزمة حقيقية وقعت مع طرف آخر، متسائلين إن كان المقصود بالفعل هي ريهام حجاج كما تكهن البعض مؤخرًا أم فنان آخر.
وكان الفنان المصري محمود حجازي دافع عن الممثلة ريهام حجاج، قائلا في رسالة عبر ”فيسبوك“: ”أنا في حاجه ماكنتش عايز أتكلم فيها بس بجد مش قادر اأشوف حد علاقتي بيه طيبه وبشتغل معاه وبشوفه بيتعب قد ايه وبيتعامل مع كل الناس بشكل محترم جدا والاقيه ديما بيتظلم من الناس من غير ما تعرف تفاصيل ديما هو اللي بيشيل المشاكل كلها سواء كان جزء منها أو ميعرفش حاجه منها“.
وأضاف حجازي تحت عنوان ”ليه بقينا بنستسهل الظلم“: ”أنا السنه دي بشتغل 3 مسلسلات جواه رمضان وكانت سنة صعبة جدا وممتعه جدا وأنا محظوظ إني اشتغلت مع الأستاذ توفيق عبد الحميد اللي لسه شايف قرار انه بعد الانتهاء من تصوير مسلسل يوترن سوف يعتزل الفن.. قد إيه الخبر ده زعلني جدا وبتمني انه يتراجع فيه ويفضل يمتعنا بفنه الحقيقي المبهر وان شاء الله هيحصل كده“.
وتابع الفنان المصري: ”كمان زعلت جدا لما شوفت الحملات والناس اللي عايزه تستغل الخبر ده لهدم وتشويه شخص هو بعيد كل البعد عن القرار ده بس لمجرد انهم عايزين يهدموا اي نجاح بشكل مليان ظلم وعدم فهم واستنتاجات ليس لها علاقه بالحقيقة“.
وأشار: ”المشكله ان دي طريقه بتتكرر وكل مره بقول اكيد الناس هاتفهم لوحدها بس الاقي الموضوع مكمل بطرق غريبه، والغريب اكتر ان في ناس بتستغل الموضوع ده.. وانا مش بكتب الكلام ده و مستني اي حاجه غير اني حسيت لو انا اللي وقع عليه الظلم ده وعايز الناس تفهم بس.. انا ده تاني عمل ليا مع الاخت العزيزة ريهام حجاج ووالله والله انا كلامي هتحاسب عليه قدام ربنا يعني ولا حد في الدنيا دي كلها هيأثر عليه غير الحق.. واسف اني طولت عليكم وكل سنه وحضراتكم طيبين“.