أبدت الفنانة المصرية ميرهان حسين تخوفها وترددها من نشر صورها أمام الكعبة المشرفة، أثناء أدائها مناسك العمرة، قبل أن تحسم قرارها وتوثق أجواء زيارتها للمدينة المقدسة.
وقالت حسين، في الرسالة المرفقة على الصور إنها تعلم مسبقا أن بعض رواد السوشيال ميديا سيهاجمونها، ولكن أكثر ما يقلقها أن يكون نشر الصور سببا في تقليل الثواب، بشبهة الرياء.
وجاء في رسالتها: "مع ان الصورة دي من احب صوري لقلبي.. اترددت انزلها.. أولًا خفت ان دا يأثر على ثواب حاجة بيني وبين رب العالمين ثانيًا عارفة ان في ناس سطحية كتييير هايكتبوا كومنتات كلها ايه يا طاهرة ايه يا ست الشيخة ويعملوا فيها انهم مابيغلطوش ابدا وجايين يحكموا على ناس زيهم احكام هبلة وخلاص وهما ما يعرفوش اللي بينك و بين ربنا ولا عمرهم هايعرفوه".
وأضافت ميرهان حسين: "بس قولت لأ مش هامشي ورا الفكر دا وهانزل صورتي اللي بحبها عشان فيها ذكرى وجودي في اطهر بقاع الأرض وانا ضيفة في بيت الله الحرام وبحتفل فيها بنعمة من اكبر النعم هي نعمة إن ليا رب عظيم اسمه الكريم اللي ممكن اطلب منه اي شئ ومفيش حاجة كبيرة عليه إنما أمره إذا اراد شيئا ان يقول له كن فيكون.. نعمة وجود ربنا فحياتنا أكبر من كل النعم".
واختتمت الفنانة المصرية قائلة: "انا حقيقي معرفش ازاي في ناس بتلحد وتنكر وجود ربنا والعياذ بالله وفي منهم اصحاب ليا وناس بقابلهم ومع حبي ليهم بس بقولهم فايتكو اعظم حاجة في الوجود ان يبقا ليك رب قادر على تحقيق كل اللي يتمناه قلبك ويسرح فيه خيالك رب اكبر من كل كبير هو الأمان في الدنيا دي و كل من عليها فان".