انقلبت محاولة الفنانة المصرية رانيا شاهين، مساعدة زميلها هشام المليجي، للخروج من الأزمة التي يمر بها إلى حرب تصريحات وتبادل للاتهامات بين الطرفين عبر مواقع التواصل الاجتماعي.
وبدأ الخلاف الذي تصاعدت وتيرته بشكل متسارع، بتدوينة نشرتها "شاهين" عبر حسابها في موقع فيسبوك، تحدثت فيها عن معاناة المليجي من الاكتئاب بسبب قلة الأعمال الفنية المعروضة عليه.
وأرفقت رانيا صورة هشام مع التدوينة التي قالت فيها "الراجل ده جاري في العمارة إلى جنبي ومتربيين مع بعض، مش بيشتغل وهو ممثل ممتاز، ومكافح وعنده اكتئاب وبيرفض أنه يكلم حد على شغل علشان هو حساس، تحية ليك يا جاري العزيز الصابر الصامت صاحب عزة النفس".

بدوره، رد المليجي على منشور شاهين برسالة غاضبة، عبّر فيها عن رفضه لتدخلها في حياته، مؤكدا أن ما ذكرته غير صحيح، وأنها تسعى لإزعاجه، وطالبا منها عدم الحديث عنه.
وقال المليجي "يا أستاذة رانيا، حضرتك تطوعتي وتدخلتي في حياتي من غير إذن، وقولتي كلام مش حقيقي، محدش طلب منك المساعدة، وحضرتك مصممة تزعجيني، من فضلك متجبيش سيرتي تاني في أي حوار أو مداخلة، شكرًا".

ولم يتوقف الخلاف عند ذلك، حيث عادت "شاهين" لتوجه رسالة قوية لزميلها المليجي، قائلة إنها قامت بحذف التدوينة بعد دقائق من نشرها استجابة لطلبه، لكنه استمر في التصريح ضدها من خلال وسائل الإعلام.
وقالت: "الممثل ده بعد مامسحت البوست بعشر دقايق، كتب بعدها بساعة أنه منزعج مني ومن التليفونات الكتير والناس اللي بتطمن عليه، وبعدين راح تاني يوم شكرني علشان كنت السبب أنه عرف إن الناس بتحبه، وبعدين 3 يوم كتب ابعدي عن حياتي، وأنا صامتة".
وأضافت: "على فكرة أنا اللي كلمته وقلتله كتبتلك بوست حلو والناس انجذبت له بسرعة وأنا ماكنتش متوقع الحقيقة ده، قالي كتبتي أيه قلتله هبعتهولك واتس اب وقالي لا يا رانيا امسحية قلت له تمام ومسحته بعد عشر دقايق، من ساعتها مواقع وتصريحات أنني داخلة في حياتك حسبنا الله ونعم الوكيل".
وتابعت: "أنا هبقى محترمة لآخر لحظة، ومش هقول مين اللي كان بيكلم مين، ومش هقول أنا عملت ايه وفي ناس موجودة وعارفة أنا عملت معاك أيه، وكنت سبب في أيه تمام بس قسما بالله أي كلام فيه تشهير بيا أو تطاول، أنا هنسى العيش والملح وأني حاولت أساعدك حسبنا الله ونعم الوكيل، والحمد لله إنك اتكشفت ليا".