أخبار المشاهير
هدى هاني تروي تفاصيل نجاتها من الموت برفقة أربع فتيات
كشفت الممثلة المصرية هدى هاني عن تفاصيل تعرضها لاستنشاق غاز أول أكسيد الكربون هي وأربع فتيات أخريات بسبب تسربه من سخانات احتراق الوقود بحمام السباحة.
وقالت "هاني" إنها خضعت لصور أشعة للدماغ والصدر وأخريات تم حجزهن في الرعاية المركزة.
وعلقت النجمة المصرية البالغة من العمر 43 عامًا، عبر صفحتها على "إنستغرام": "أنا من الناس اللي عمري ولا نزلت صورة ليا وأنا مريضة أو فيا حاجة مكسورة أو مركبة أو أقول ادعولي أو أي حاجة من دي.. (لأني مش بفضل اعمل كده) بس التجربة المرة دي غريبة ومختلفة وحبيت أشاركها معاكم عشان تاخدوا بالكم كويس وربنا أراد أني ابقى فيها والحمدلله على كل حاجة ربنا يعملها".
وأضافت نجمة مسلسل "العطار والسبع بنات" :ده كان أشعة على المخ والصدر وطبعا تحاليل دم وتركيب أكسجين وغيره وغيره وناس دخلت الرعاية المركزة عشان تسمم دم ونقص الأكسجين في الدم، اللي حصل إن أنا و4 بنات معايا كمان استنشقنا غاز أول أكسيد الكربون مع غاز الكلوريد الناتج من حمام السباحة وسخانات احتراق الوقود اللي طلعت لنا الشي اللي استنشقناه من غير ما نحس بيه، لأنه ولا لون ولا طعم ولا رائحة خالص، وده الغاز اللي بيسموه (الموت اللذيذ )لأنك مش بتحس بأي حاجة غير أنك بيغمى عليك وأنت ونصيبك".
وأوضحت هدى هاني: "الأكسجين بيحصل أنه مش بيوصل للمخ ودي معروف بيحصل بعدها إيه، مش عارفة إيه حل الموضوع ده غير أنكم تأمنوا نفسكم كويس وتاخدوا بالكم من سخانات الغاز اللي في البيوت، وفي الأول والآخر ربنا بيسترها معانا، قدر الله وما شاء فعل اتكتب لنا عمر جديد والحمد لله رب العالمين".
يذكر أن هدى نشأت في عائلة فنية، فعمتها هي الفنانة هناء الشوربجي، وبدأت التمثيل منذ كان عمرها ست سنوات أمام الفنانين محمد صبحي وسعاد نصر في مسرحية الهمجي، كما أنها كانت تشارك في برامج الأطفال بالتلفزيون المصري، ولكن شهرتها ظهرت خلال شخصية "جهاد" في مسلسل "يوميات ونيس" مع الفنان محمد صبحي، وشاركت بجميع أجزاء المسلسل حتى الجزء السابع.
كما شاركت بالعديد من الأعمال الأخرى، ولم تظهر بالأعمال السينمائية إلا مرات قليلة، وهي متزوجة من المصور أسامة بركات.