رد الفنان المصري أحمد فلوكس على الاتهامات الموجهة ضده من قبل والده الفنان فاروق فلوكس الذي صرح بأنه يتجاهله ولا يتواصل معه، وأنه تزوج وأنجب دون علمه.

وقال أحمد إنه تم استغلال والده للإساءة إليه شخصيا وإظهاره كشخص مجنون، وعلى إثر ذلك نشر تسجيلا لمكالمة بينه وبين والده عبر حسابه بموقع إنستغرام ليؤكد براءته.

وتحدث الفنان فاروق فلوكس في المكالمة مع والده: "أنا مش كويس ويظهر لما بطلع أتكلم في البرامج بقول كلام كتير لأن أنا قلبي طيب والله"، ليرد عليه ابنه: "هما مستوعبوش كلامك، عايزين يطلعوني مجنون فتمام، أنا عارف اللعبة اللي دي اللي بيعملوها، وهما مش هيفهموا".

وأضاف الفنان الشاب في المكالمة الهاتفية: "لما يكون عندي مشكلة مش هاجي أقولك أنا بمر بظرف كذا، لأن المفروض مقولكش مشاكلي، وهما عرفوا يشحنوك وياخدوا كلام معين منك، بناء على سنك أنك كبرت".

فاعتذر والده فاروق فلوكس قائلًا: "أرجوك متزعلش مني"، ليرد عليه نجله أحمد: "جزمتك فوق راسي، متشيلش جواك، دي لعبة ملكش ذنب فيها، أنت عارف إني بحبك جدًا، ومقصرتش معاك، ولو مجتش البيت عندك لظروف معينة أنت عارفها كويس، وأنا مش هطلع أشرح، وأتكلم في بيتي وحياتي الشخصية".

وكان فاروق فلوكس قد صرح في برنامج تلفزيوني تقدمه الإعلامية راغدة شلهوب أن نجله أحمد: "آخر مرة كلمني من شهر، أحمد اتجوز وخلف بدون علمي وجالي قالي انا اتجوزت وخلفت، وعرفت خبر حبسه من وسائل الإعلام وحاولت اكلمه انا وأخته بس مش بيرد".

وأضاف: "أحمد عنده أزمة نفسية خاصة بعد انفصالي عن مامته، وإقامته معي بعيدا عن والدته، وهو انسان كويس لكن عيبه الوحيد إن لسانه طويل وحمقى حتي عليا بس بيرجع يصالحني بعد كده. وانا بسكت هعمله إيه؟".

وكان الفنان المصري، أحمد فلوكس، قد ردّ قبل أيام أيضًا بعد الضجة التي أحدثتها تصريحات والده فاروق فلوكس، حول عدم اعتماده على مهنة التمثيل كمصدر دخل أساسي، مهددًا المسيئين لوالده.

وقال فلوكس في فيديو نشره على إنستغرام: ”والدي ربنا يديله الصحة لما كان مع الإعلامية لميس الحديدي بيشرح أنه عايش على معاشه كمهندس وإنه لو كان معتمد على الفن كان زمانه بيشحت، رسالة واضحة أن الفن شيء لا يعتمد عليه“.

وأضاف: ”ييجي مجموعة من المضللين الكدابين، وعاملين مانشتات تخلي اللي يقرأ يحس إن فاروق فلوكس قاعد بالعصاية وامام الباب بيشحت، وإن ابنه رميه، طبعا أنا بدي عذر لأن الحقيقة إن 90% من الناس اللي بتكتب مش خريجي صحافة“.

وتابع: ”هم ميعرفوش أساسا التعبيرات اللغوية معناها إي ودا طبيعي، وبيجري ورا التريند، زيه زي اللي بيجري ورا جيبة عريانة مش عارف هيلاقي إي تحت الجيبة، وطبعا النتيجة نزل على أغلب المواقع إنه مش لاقي ياكل وابنه رميه“.

وأوضح أحمد فلوكس أن تلك المعلومات ليست صحيحة، موضحا: ”الموضوع مكنش كدا، والدي قدم رسالة إنه لولا شهادة الهندسة وامتهانه تلك المهنة، كان امتهانه لمهنة التمثيل هيتبهدل فيها“.

ولفت: ”خلال الحوار أيضا والدي قال إنه لسانه مبيعرفش يسكت عن الحق، فقام الناس في الإعلام اللي مش عارف الحقيقة هم خريجين إعلام أزاي مانا خريج إعلام، مشوفتش اللي بيقولوه دا، طلعوا قالوا لساني متبري مني“.

وهدد أحمد فلوكس أولئك بالقول: ”اللي هلمحه همرجحه اتقوا الله إحنا أسرة محترمة“.