علّق الفنان المصري محمود المهدي، زوج النجمة منة عرفة، على تصريحات الإعلامية المصرية رضوى الشربيني، عن فوائد المرأة العزباء تزامناً مع عيد الحبّ، واصفاً حديثها بالـ "فاشل".
وشنّ محمود المهدي هجوماً لاذعاً، تعقيباً على تصريحات الشربيني، ونشر صورة تحتوي على أبرز ما قالته حول فوائد "الفتاة السينجل" خلال برنامجها، وذلك من خلال خاصية الستوري عبر حسابه الرسمي على "إنستغرام".
وكتب المهدي: "للأسف عشان فشلت في حياتها.. عايزة الكل زيها.. مش عيب إننا نفشل، يمكن الغلط بيكون من الطرف الأول أو الثاني.. أنا فشلت في تجربتين، ممكن أكون أخطأت في حاجات، إحنا بشر، ممكن بنتسرع وبنغلط لكن مش معنى كده يبقى الحبّ فاشل".
ودعا زوج الفنانة منة عرفة جمهوره لعدم الالتفات لحديث رضوى الشربيني الذي وصفه بالـ "فاشل"، وقال: "متنسوش إن حواء خلقت من ضلع آدم.. مهما كان أنا جربت الوحدة والله صعبة جدًا واللي بيقول غير كده بيكون مش عايز يبين لحد أو لحبيب قديم أو زوج أو زوجة بس بجد لما تلاقي حد بيحبك ويكمل معاك حياتك هو اللي هيفضلك لا أخ ولا أهل ولا قريب ولا صاحب هيكون فاضيلك.. متسمعوش كلام فاشل زي ده".

وقد وجهت رضوى الشربيني، خلال برنامجها "هي وبس"، فوائد للفتيات العزباوات خلال فترة عيد الحبّ، وقالت: "للسينجل فوايد كتيرة خلال فترة الفلانتين، منها مثلًا مفيش أي نوع من الضغط النفسي اللي ممكن تتعرضيه لو هو في حياتك، انتي بتعيشي في سلام مفيش نكد، مفيش دراما، وطبعًا مفيش خناقة، وأنتي سينجل، مفيش مقارنات هتقومي بيها مع غيرك، أنتي قاعدة برنسيس في نفسك، كمان من فوايد انك سينجل انك هتعملي فلوس ده أكتر وقت البنات تقدر تعمل فيها فلوس وتحوش".
وأضافت الشربيني: "خلال فترة أنك سينجل بتكوني صاحبة قرارك وخاصة في الخروج قادرة تاخد قرارك من غير أي حسابات للشخص المرتبطة بة، كمان وقت السينجلة هو أكتر وقت بتعرفي تحبي نفسك فيه، وتوزعي حب على كل اللي حواليكي سواء الأب والأم".