فاجأ النجم المصري تامر حسني، يوم الجمعة 4 فبراير/ شباط 2022، الطفل مصطفى شاهين، الذي يعاني من شلل بجهازه الهضمي، وذلك بزيارته في منزله، ملبيًا رغبة الطفل في رؤيته لشدة حبه له.

وظهر تامر حسني في مقطع فيديو يوثق الزيارة وجرى تداوله عبر مواقع التواصل الاجتماعي، وهو يقابل مصطفى، ويجري حديثاً مطولاً معه، علماً أن الأخير ظنّ في بداية الأمر أنه شخص يشبه تامر حسني.

وحرصت والدة مصطفى، على توجيه الشكر لنجم الجيل من خلال منشور لها عبر وسائل التواصل الاجتماعي، كتبت فيه: "أول ما حالة مصطفى وصلت للفنان تامرحسني، لقيناه بعدها بساعة جاي من آخر الدنيا جري من منطقة الشيخ زايد للتجمع الخامس عشان يطمن على مصطفى وبالصدفة مصطفى اصلاً بيحب تامر حب مش عادي و بيتفرج على افلامه هو بس لدرجة لما شافه مصدقش و افتكر ان دا واحد شبه تامر".

وأضافت: "ابني عنده شلل في الجهاز الهضمي كله مفيش أمعاء ولا معدة ولا بنكرياس ولما بيتوجع مينفعش ياخد مسكن أو أي دوا يعني ألم طول الحياة ومفيش صحة نهائي ودا مأثر على إدراكه، نفسي ابني يرجع زي صورته اللي في اول الفيديو قبل المرض ادعوله ارجوكم".

وطالبت متابعيها مناشدة الجهات المسؤولة في مصر لإنقاذ طفلها، قائلة: "الموضوع مش سهل ومش اي حد يقدر يعمله لصعوبة الخطوات والتكاليف اللي بتتجاوز ٣٦ مليون جنيه الموضوع أكبر من الأشخاص عشان كدا اتمنى صوتي يوصل لكل الجهات المعنيه الفاضلة وشكراً لكل اللي حاولوا يساعدوني".

واختتمت حديثها بـ: "شكراً يا تامر على سرعة استجابتك وعلى كل اللي قولته واللي عملته امبارح واللي لسه بتحاول تعمله عشان طفل انت متعرفهوش ربنا يراضيك يا ابني وينصرك ويسترك دنيا وآخرة".