رد الفنان المصري أحمد فلوكس على تصريحات الدكتور أحمد الجندي، محامي لاعبة وكابتن منتخب مصر لكرة السلة سابقا ياسمين عزت.
وقال الفنان بمنشور شاركه مع متابعيه عبر صفحته على فيسبوك: "لو انت فاكر اني الطيار الي مات بقهرتوا بسبب كلامك في اعلام تبقي مش عارف انا مين .. و بلاش نتكلم علشان التفتيش عارف كويس القصه فابلاش نتكلم احسن علشان انا مش هانساق للكلام ده.. اما القصه فا مصر كلها عارفها فسيبك من القصه دي علشان ربنا موجود و زي ما جاب حق الطيار رغم اكاذيبك حقي هايجي بس انا ساكت لان لما حد زي يتكلم الدنيا هاتتقلب لكن سكوتي ليس الا احتراما لبلدي و موسستها و لاني اعلم جيدا ان التصرفات الفرديه هاتحاسب.. فا ماتطلعش بقي تعيش الدور سواء انت او المنتفعين واللي مدفوعين علشان تقعد تولع فيها و بتاخد فلوس و محدش بيدفع التمن غير صحاب القصه".
وأضاف فلوكس: "اعتقد انا بعد سنه و نص حوارات منكم كانت النتيجه اني نزلت صورنا اللي كدبت فيها كدبه اني بتضاردها و بجري و راها و دي كانت نتيجه افتراءات سنه و نص ساكت.. و محدش بيتفضح في الاخر غير عيال ملهمش ذنب لكن اللي زيك مش هاتفرق معاه لانك منتفع ليس اكتر.. و لو فضلت تستخدم الميديا علشان تشوه صورتي و تفضل تعمل حوارات محدش باردو التمن غير احنا و عيالنا .. و عيالنا الحقيقه الاهم خصوصا ان لو اتحكي علي الملاء هايكون تاثيروا اقوي من الصور اللي نزلت قبل كده و هايجي وقت هاتوصلني لكده علشان ارد علي كل الافترا و اتكلم واقول الحقيقه بالادله و موثقه فا ساعتها محدش باردو هايدفع التمن غيرنا و سمعتنا يا نجم.. وانت بتقبض و غيرك بيقبض و مش خسران حاجه".

وقال أيضا في المنشور: "سيبك من الدراما اللي ماثره فيك يا حبيبي علشان مش فارق معايا نهايي و حقي هايجي سواء محبوس ولا مش محبوس و هايجي يعني هايجي .. فا الاحسن كده نلم الدور و نسكت و تشوفوا هاتلموها ازاي و في ناس مدخله علشان اللي جاي مش هايبقي لطيف و لا ليا و لا ليها ولا للي كانوا متدخلين السنتين كلهم من اول زايد من غير ما وضح.. لمو الدنيا علشان انت عارف ان القصه قدام الناس هاتخسرها ... فا كفايه بقي لحد كده علشان بؤي لاموخذه لو اتفتح مش هايقفل."
وكان المحامي أحمد الجندي، قد قال في اتصال مسجل مع "فوشيا" إن الحكم الذي صدر ضد أحمد فلوكس هو حكم نهائي واجب النفاذ فورًا، وهو فوض كل مراحل التقاضي وليس أمامه إلا أن يقوم بعمل نقض وهو لا يوقف التنفيذ، بمعنى أنه لابد أن يحبس أولًا وإلا سيرفض النقض المقدم للمحكمة.
وعن ما تردد عن قدرة الفنان أحمد فلوكس في دفع كفالة قدرها 320 دولارا لوقف تنفيذ حكم الحبس مؤقتا قال الجندي: "هذا الكلام ليس له أي أساس من الصحة ولا يوجد في القانون، وسيتم تنفيذ الحكم خلال الأيام القليلة المقبلة، كما أننا تقدمنا أيضًا إلى السيد النائب العام المصري بطلب لمنعه من السفر خارج مصر، لأنه من الوارد أن يسافر خارج مصر بعد صدور هذا الحكم حتى لا يقوم بتنفيذه، وحتى لو حاول الهروب خارج مصر لن يسقط ذلك الحكم، بل إنه سيتم إلقاء القبض عليه بمجرد عودته إلى أرض الوطن".
وأضاف: "هناك عدة قضايا أخرى مرفوعة من موكلتي ياسمين عزت ضد الفنان أحمد فلوكس ولكن حتى الآن لم تصل إلى الأحكام النهائية، وكل القضايا عبارة عن سب وقذف وتهديد بالإيذاء والتعرض للحياة الشخصية وحرمة البيوت والمنازل".
وكانت المحكمة الاقتصادية في القاهرة مؤخرا، قد أصدرت حكما بحبس الفنان أحمد فلوكس لمدة عامين بتهمة سب وقذف وإزعاج وتهديد لاعبة منتخب مصر للسلة سابقا، سيدة الأعمال ياسمين عزت.