رد مطرب المهرجانات الشعبية حمو بيكا، على الأنباء التي انتشرت حول حصوله على درجة الدكتوراه، والتي تحمل عنوان الظاهرة الكونية، من إحدى الجامعات بالمملكة العربية السعودية.
وأكد بيكا في تصريحات لوسائل إعلام مصرية أن الأخبار المتداولة بشأن حصوله على درجة الدكتوراه كاذبة، مشيرًا إلى أن الأشخاص الذين ظهروا معه في الصورة أصحاب أحد مكاتب الصرافة وأهداه خنجرا مطليا بالذهب كدعاية لمكاتبهم.

وكانت الشائعة قد أحدثت سخرية فور انتشارها بشكل واسع عبر مواقع التواصل الاجتماعي خلال الساعات القليلة الماضية، رغم معرفة الأغلبية بأن الأمر ليس صحيحًا.
وعلى صعيد آخر، تم إيقاب حمو بيكا بجانب 19 شخصًا من زملائه مغني المهرجانات الشعبية في مصر بقرار من نقيب المهن الموسيقية الفنان هاني شاكر.
وأعرب حمو بيكا عن حزنه لصدور هذا القرار وتوقف حفلاته ونشاطه، وقال: "لو ماشتغلناش في مصر هنشتغل بره مصر وبنعمل حفلات كتيرة في دول الخليج".
كما هاجم بيكا، الفنان هاني شاكر الثلاثاء بعد حديثهما، في الصالون الثقافي بقصر السينما، وقال في بث مباشر عبر حسابه على إنستغرام: "لقيت ندوة كبيرة معمولة والدنيا مقلوبة علينا، فيها ممثلين وواحد ممثل اسمه تامر عبد المنعم ويقولك أنا مش هتكلم غير لما الناس تنزل من على المسرح.. المكان اللي عامل عليه الندوة ده اسمه المنصة، متقولش مسرح إنت مش واقف تغني، الناس كلها بتتكلم باسم مصر، وأنا بحمل هوية مصرية وعندي ولاء أكتر منكم في البلد دي".
وأضاف: "عاملين ندوة كبيرة وطالعين تستهزأوا بينا، أنت متستهزأش بيا، عصر أم كلثوم وعبدالحليم كان زمان مش دلوقتي خالص، إحنا في سنة 2021 وده جيلنا وعصرنا احنا بعد اذنكم".
وواصل: "بيقولوا لو عايزين تغنوا غنوا برة مصر..ليه؟، ما دي بلدنا برضو، إحنا محدش يمنعنا وإحنا في بلد حرية ومفيهاش منع، وبلد بتتقدم بالجمال والحلاوة".
واستطرد: "وحدوا الله ومش تحسسونا إن إحنا بيئة وزبالة، أنتم شايفينا كده عشان عايزين تشوفونا كده، الظلم حرام، وأنا بتكلم عن نفسي، وبقالي 5 سنين وغنيت إسفاف ولكن ده من زمان، ووقتها مكنتش أعرف يعني إيه نقابة ولما عرفت بطلت ومفيش كلام خارج بيطلع مني".
ولفت: "إحنا في عصر السيسي بلد الحرية والعدل والقانون، وأنتم عايزين البلد ميبقاش فيها حرية، وطول ما في ملايين وأطفال بيحبوا حمو بيكا، يبقى أنا لسه مكمل المشوار، ومتقدرش تمنعني، حرام عليكم".