أثارت الفنانة المصرية مي كساب، موجة من الجدل الساعات الماضية عبر منصات التواصل الاجتماعي بعد حذفها صورها العائلية، التي تجمعها بزوجها محمد صلاح المعروف بـ"أوكا"، من حسابها على "إنستغرام"، مما دفع بعض المتابعين لإطلاق شائعات انفصالها، الأمر الذي نفته عبر صفحتها الرسمية على "تويتر".
وعلقت الفنانة مي كساب على شائعة طلاقها عبر حسابها على "تويتر": "بطلو رخص بجد فشله لو كلفتو نفسكم وقريتو البوست بتاعي هتلاقوني كاتبه أهم نعم جاتلي في الدنيا جوزي وأولادي ربنا يشفي بجد أنا تعبت من تدخل الصحافة في الحياه كده وترويج إشاعات أكتر.. نقيب الصحفيين إحنا محتاجين قانون صارم عليهم إحنا بني آدمين برضه وعندنا أولاد وأهل بيزعلو علينا إرحمونا".

وأضافت بتغريدة ثانية: "زهقت منكم بجد مش عارفة عاوزين تطلقونا ليه يخرب بيت التريند على الريتش اللي من يوم ما طلع ماشفناش خير.. اتقو الله أنا عندي 3 عيال وأهلي بيزعلوا علينا وجمهور برضه بيزعل علينا".

وكانت مي كساب قد كشفت عن تغير حياتها بعد إصابتها بفيروس كورونا المستجد، الذي تعافت منه قبل أيام، مشيرة إلى أن فترة المرض، كانت أطول مدة تنعزل فيها عن الناس، وخلال تلك الفترة رأت الحياة بشكل مختلف، وكونت صورة جديدة عن الحقيقة الكاملة في حياتها وعلاقتها بالمحيطين بها.
وكتبت مي، على "إنستغرام" الإثنين: "الكام يوم اللي فاتو كانو أطول مدة أقعدها لوحدي في حياتي وبعترف شفت الحقيقة الكاملة، حقيقة نفسي، حقيقة كل حاجة حواليه".
وتابعت الفنانة المصرية: "عرفت قيمة كل حاجة وندمت على كل لحظة ظلمت فيها نفسي أو ظلمت حد من اللي بحبهم وبيحبوني".
كذلك أضافت: "اللي بتكتب دلوقتي مي بس بتاعة 2010 بس بمخ العشرين سنة اللي اشتغلت فيهم ونجحت وأخفقت بسبب ظروف وأوضاع اتفرضت عليا".
وأوضحت مي كساب: "أنا عدى عليا 11 سنة صعبين جداً يمكن القريبين مني عارفين أنا استحملت إيه وواجهت إيه. أنا مسحت كل لحظة مش عاوزة أشوفها تاني عشان بتفكرني إني كنت مش أنا وسببت كل لحظة وكل صورة بتعبر عني وعن اللي جوايا وعن أكتر حاجات مأثره جوايا كفتانة وكإنسانة".
كما أردفت قائلة: "مسحت كل صوري العائلية، ولو إن دي مش أنا، لحد ما أرجع أنا وأسجل لحظاتي الحلوة مع عيلتي الجميلة".