علّقت النجمة اللبنانية نادين نسيب نجيم على جدل استخدامها كلمة "خُرائية" أثناء لقاء لها على السّجادة الحمراء في افتتاح مهرجان الجونة السينمائي، مؤكدة أنها لا تعلم معنى الجملة من الأساس.
وصرحت نادين نجيم لبرنامج "شو في ما في" أنها لا تعلم معنى الجملة التي قالتها خلال حوارها الإعلامي، مشيرة إلى أنها تحدثت بشكل عفوي وصادق ولم تسمع بها من قبل: "قصدي كان قول فكرة خارقة، وأنا علقت معي خُرائية، وما طلعت معي خارقة، لأنه نحنا باللبناني ما بنلفظ القاف".
وحاولت نادين نجيم الدفاع عن نفسها، وقالت: "ما خصني متل ما اتهمومني باللغة السّوقية مش مارقة علي، يمكن لو أنا سوقية كانت مرقت علي، فالأشخاص اللي فهموها هيك، هيئتهم عندهم خبرة فيها أكتر مني".
وأوضحت النجمة اللبنانية أنها لم ترفض الاعتذار، لكنها اتهمت بشيء بعيد عنها، وقالت: "أنا شخصياً ما بعرف فيها، واتهمت بشيء بعيد عني، وطبعاً إحنا ما بنقدر نفوت لنوايا الناس، وإذا بدي اعتذر، رح اعتذر لحالي أولاً لأنه كان نص تفكيري بالجونة بلبنان وقت الأحداث، وكنت خايفة يصير حرب أهلية وما إقدر إرجع على البلد".
وتابعت نادين نسيب حديثها: "ما في داعي نكبر الموضوع، كلنا بأوقات نغلط بحرف، إذا غلطة الحرف بستحق إنصلب عليها، بعتقد هاد الشي بحمل مسؤوليته للأشخاص اللي حطوني بهالخانة اللي ما بتشبهني، والكل بيعرف لما نادين بتعمل مقابلة كلامها موزون، وبنقي الكلمات، وما بحياتي بغلط بحق حدا، حتى أعدائي، فأكيد ما رح اغلط بحق الشركة المنتجة، والكتاب اللي بعتبرهن عيلتي".