قدم رجل الأعمال المصري نجيب ساويرس الدعم للفنان محمد رمضان خلال حفل ضمن فعاليات مهرجان الجونة السينمائي.

وقال ساويرس في الفيديو: "مش هقول كلام كبير أوي يعني عايز أقول أولًا أنه نورنا في الجونة.. واللي زعلان أنه جالنا ما يجيش".

وأضاف: "عندنا في مصر مواهب كبيرة جدًا وكلنا لازم نقف وراها واللي بيرفع اسم مصر لازم نحبه واللي مش بيحبه مش عايز أقول".

وأكمل رجل الأعمال كلماته بالغناء إلى رمضان أغنية "رايحين نسهر" التي أطلقها العام الماضي، أما الفنان فقبل رأس ساويرس.

واعتبر العديد من المتابعين أن نجيب ساويرس يقصد بكلامه الإعلامي عمرو أدديب الذي علق قبل أيام في برنامجه عن تفاصيل زعم أنها حدثت مع محمد رمضان في حفل افتتاح مهرجان الجونة السينمائي.

وقال أديب": "إدارة المهرجان كل سنة عندها أغنية المهرجان أول سنة 3 دقات كسرت الدنيا السنة اللي فاتت كان في رامي عياش وتامر حسني، السنة دي بدون سبب واضح قرروا أغنية الحفلة يعملها محمد رمضان".

وأضاف أديب: "حصل حاجة غريبة جدًا في أول الحفلة طلبوا من يسرا وسميح ساويرس يقولوا كلمتين عن الحفلة، وفي الآخر جاءت المذيعة الفاضلة وقالت وآخر حاجة عندنا في الحفلة الفنان محمد رمضان ومشيت".

وواصل أديب: "محمد رمضان طلع معاه اتنين مطربين اسمهم اقوي من اسمه في الغنا مية مرة جايز هو أقوى في التمثيل، وقبلها على طول المذيعة طلعت يسرا وسميح علشان يقدموا رمضان وهما مكانوش عارفين".

استرسل عمرو أديب قائلًا: "وفجأة دخل رمضان غنى اغنية جو البنات حاجة ملهاش علاقة بالمهرجان وواضح أنه استعراض اتعمل بسرعة فمكنش حلو، الأغنية قعدت 3 دقايق ملهاش علاقة بأي حاجة ولما خلصت ورمضان هيبدأ يتكلم النور اطفى والمايكروفون فصل ودة شيء غريب لا الأغنية صح ولا اللي اتعمل صح ومحدش فاهم".

كما تعجب عمرو أديب مرة أخرى من طريقه تقديم محمد رمضان وإطفاء الإضاءة بعد 10 ثوان وتساءل "لو مش عايزينه جايبينه ليه".

وسخر محمد رمضان من الإعلامي عمرو أديب، بعد هجومه عليه في برنامجه "الحكاية" بعد أن قيل إنه تم قطع الكهرباء عليه وهو على المسرح في حفل افتتاح مهرجان الجونة.

ونشر محمد رمضان فيديو ساخرا، عبر حسابه على إنستغرام قبل أن يتم حذفه، مستعينا بكلام عمرو أديب في برنامجه وهو يعلق على ما حدث مع محمد رمضان، وظهر في الفيديو مقطع تلقيه بوكيه الورد من الفنانة بشرى.

ووضع محمد رمضان أغنية ساخرة، على الفيديو، تقول كلماتها: "شو اسمك يا شطور، أنا اسمي عمور، كام عمرك يا عمور 5 و3 أشهر، وين بتدرس.. في الروضة".