احتفل الفنان المصري رامي جمال بعيد ميلاد زوجته ناريمان بشكل طريف بعدما وجه لها رسالة قال فيها بأنه يفكر بالطلاق منها، وأرفق تعليقه بعدد من الصور الرومانسية التي جمعتهما.

وكتب جمال في رسالته: "يا رب أنت عارف أني اتجوزتها وهي عيد ميلادها ذكرى الزلزال القوي اللي جه مصر، والنهارده عيد ميلادك برق ورعد وحاجة فله".

وأضاف: "كده عرفت أنا ليه لما غنيت سقف كورونا غزت العالم، الحمدلله أننا مخلفناش... لأن نهاية العالم هتبقى بدايتها من بيتنا".

كما مازح زوجته بأنه يفكر بالطلاق منها وقال: "كل سنة وأنت أول وأخر وأحلى وأرخم حاجة في حياتي، بفكر أطلقك علشان أخد الدريسينج، والحق يرجع لأصحابه، عيد ميلاد سعيد".

من جهتها ردت ناريمان على تهنئة زوجها بالقول: "اقسم بالله ما هيتحطلك قميص فيها بعد البوست دا وانا اللي لسة بقولك افضيلك حتة اتقى الله".

وتلقى الثنائي التهاني والتبريكات من المشاهير والمتابعين عبر صفحة الفنان على إنستغرام، فكتبت الفنانة ساندي: "هموت كل سنه وانتي بالف خير و سعاده يا حبيبتي"، وعلق محمود خيامي: "ربنا يسعدكم ويبارك لكم في بعض وكل سنة وانتم سوا ومع بعض"، وقال هاني محروس: "انت مشكلة يا رومااااا ربنا يسعدكم ويحفظكم يا صاحبي".

كما تعرض رامي جمال للانتقادات بسبب طبيعة تهنئته لزوجته، ووصفها البعض بـ"المستفزة" كونه مازحها بالطلاق، فرد الفنان قائلا:" "أحب ابدأ كلامي بشكرا للناس اللي شبهنا اللي بتاخد الدنيا بسهوله وخفه دم شكرا، ثانيا المجموعة بتاعت كلامك سخيف يا رامي، حضرتك انا مش جوزك انا بقولو لمراتي اللي انا وهي عايشين حياتنا احنا مش حياتك انتي اللي جايز هزارنا ما يناسبكوش وجايز الجد بتاعكم ما يناسبناش احب ابدأ معاكم بان البوست بتاعي عن ناريمان هو بوست نزلته ناريمان نفسها قبل البوست بتاعي بساعه بتقلش على نفسها بخفه دم من وجهه نظري اللي من وجه نظركم دلوقتي هتقولو عليها يبقى هي تستاهل وهي اللي جابته لنفسها وبتقبل من نفسها".

وأوضح الفنان المصري: "واحنا كمان حقنا نعيش حياتنا احنا بالشكل اللي يعجبنا احنا حتى لو مش هيرضيكم علشان احنا مش عايشين نرضيكم الدنيا اصلا صعبه ف احنا بطريقتنا البلدي الاوڤر دي اللي مضايقه البعض شايفين حياتنا بفضل الله وحفظه لطيفه ارجع واقول للي بيعدلو علينا احنا عايشين حياتنا احنا مش حياتكم انتم واللي بيعجبكم مش لازم يعجبنا والعكس ...وربنا اللي عارف ايه جوانا".

وفي الشأن الفني طرح رامي جمال مؤخرا أغنية "خليكي"، من كلمات أحمد تبارك، ألحان غريب، توزيع سام، وميكساج وماستر ماهر صلاح.