رثت الممثلة السورية سلاف فواخرجي، والدها الراحل محمد فواخرجي، الذي غيّبه الموت قبل أيام قليلة، بكلمات وصفها المتابعون بالمبكية، داعلين لها بالصبر والقوة على فراق والدها.
ونشرت سلاف فواخرجي رسالتها وأرفقتها بصورة والدها الراحل، وقالت: "شو يعني ادخل البيت وماشوفك، شو يعني دور عليك وما اتبارك بوشك، شو يعني ما إوعى الصبح ع اسمي من تمك، شو يعني يبقى الصدى ويغيب صوتك، شو يعني انت مالك هون بس مّلّلي الدنيه عطرك، وشو يعني يمرق وقت وماتكون وقتي واحمل همك، وشو يعني بطّل اعمل صبي حلاق واحلقلك".
وأضافت: "شو يعني ساعتك ع جنب ومانها بإيدك، شو يعني كتابك مسكّر وباردة مكتبتك، قميصك المكوي بزيادة وبيجامتك وتفاصيلك، الزيتونة كانت ناطرة أول مطرة، انجرح المطر بروحتك، ونشفت العنب بطّل حلو ومنه الدمع أحمر، والصبار زاد شوكه قهر وأسى بعدك، والياسمينة دبلت على غيابك مش مصدقة، وبعدها عالباب ناطرتك، يابابا.. كنت ضل شوي.. اشتقت شمك، لو عشت العمر عمرين، بحاجتك وبيبقى بكير وبعد بكير وماشبعت منك".

وانهالت تعليقات النجوم، على منشورها، مترحمين على والدها، فكتب الفنان خالد القيش: "الله يرحمو يا رب ويخليلك عيلتك"، وقال محمود نصر: "الله يرحم روحو و يصبر قلبك"، وعلق بلال مارتيني: "السلام والرحمة لروحه والعمر الك... الله يصبرك ويكون معك".
وعلق الفنان عامر العلي: "رحمه الله عليه وعلى والدتك .. الله يكون معك ويصبرك على غيابهم"، وساندها يامن الحجلي: "الله يصبرك ويحمل معك ويجعل مثواه الجنة، ويعوضنا بسلامتك …ويديمك لكل محبينك"، وكتب وائل شرف:" إنا لله و إنا اليه راجعون الله يصبرك يا سلاف".
وتعاطفت معها الفنانة كارمن لبس بالقول: "صعبة صعبة كتير، الله يصبر قلبك حبيبتي سلاف".
وكانت سلاف فواخرجي، قد وجهت الشكر لكل من قدم لها التعزية برحيل والدها، وقالت في رسالتها على إنستغرام: "عميق الشكر والإمتنان لكل من واسانا بمصابنا الأليم بفقدان والدنا محمد فواخرجي رحمه الله، بمشاركتنا بمراسم الدفن، وبحضور العزاء في اللاذقية ودمشق، وبإرسال الورود، وبالإتصال الهاتفي، وعبر مواقع التواصل الإجتماعي وبكل كلمة قيلت وكُتبت، وبكل دعاء من قلوب صادقة".

وكان العديد من نجوم سوريا قد حضروا العزاء، بينهم الفنانة أمل عرفة وطليقها الفنان عبد المنعم عمايري، وأسعد فضة، ووائل رمضان، وحسام الشاه، وغيرهم الكثير.