كشفت الفنانة السّورية ثناء دبسي حقيقة خلافها مع مواطنتها الفنانة منى واصف، بعد أن أعلنت في حوار إذاعي سابق أنها لن تشارك بالهيبة ولو عرضوا عليها الملايين.

واعتبر البعض أن ثناء دبسي هاجمت بشكل غير مباشر، زميلتها منى واصف التي تشارك بالهيبة وتعتبر جزءا أساسيا في العمل، ومُنحت لقب "سيدة الهيبة". إلا أن ثناء الدبسي نفت مهاجمتها للفنانة السّورية منى واصف، مشيرة إلى أنها هاجمت نص العمل وليس الأبطال المشاركين في العمل الدرامي، الذي يدور في فلك المافيا وتجارة السّلاح.

وقالت ثناء دبسي في حوارها مع برنامج "شو في ما في": "هي عم تشتغل دور قوي بالنسبة الها، بس أنا هاجمت النص بشكل قاطع، قلت نص تافه، وما زلت بقول تافه وسخيف، الجزء الأول شفته كله ما فيه شي، جينا نتفرج على الجزء الثاني، كان إعادة للجزء الأول.. تغيرت البطلة بس الموضوع نفسه، قطاع طرق وتهريب حشيش".

وأكدت دبسي عدم خوفها من شركة "الصباح إخوان"، وقالت: "ما بهمني، بدي قول كلمة الحقيقة ولو على قطع رقبتي، ليش بدي جامله مشان أحصل على دور، لأ ما بدي، إذا كانت هيك الأدوار… هلأ منى أدت دورها حلو، عملت الدور المرأة القوية.. المتحكمة .. المتسلطة، وهي كمملثة ممتازة.. أنا ما هاجمتها إطلاقاً".

وعلقت ثناء دبسي على محاربتها إعلامياً والتركيز على منى واصف الملقبة بـ "سنديانة الشام"، وقالت: "بدك تسألهم إلن، أنا ما بعرف.. أنا ما بتطلع على هيك مواضيع وما بهمني، أنا بعرف حالي مين أنا.. بيجوز لأنه منى بتشتغل كتير وتحت الأنظار، وأنا مواربة بالبيت".

وتطرقت ثناء دبسي في حديثها، عن غيابها فنياً منذ 6 سنوات بعد مسلسل "ترجمان الأشواق"، وأشارت الفنانة السّورية إلى أنها رفضت العديد من الأدوار مؤخراً لأسباب تعود لجودة الأعمال التي عرضت عليها، وقالت: "لما توصل لمرحلة من الشغل، صعب كتير تاخد أدوار أقل جودة، ولا يضيفوا لمسيرتك شي.. أنا من الناس اللي بيقروا وبيرفضوا.. ولما برفض.. أحارب".

وأوضحت دبسي أنها لا تخاف من فكرة إبعادها عن الفن، وعلقت: "أنا ما بخاف، لأنه أنا ماني خسرانة، بعدين المنتجين ما عندهم فلان أحسن من فلان، يعني عم يبيعوا أعمالهم وعم يقبضوا وماشي الحال مين ما اجا يشتغل بيشتغل.. أحياناً بيعرضوا عليك عمل بجزأين وبقلولك بتاخد مبلغ كذا.. عيبّ عليكم أنا ماني قاعدة بسوق بتعامل فيها قديش كيلو البطاطا، هاد فن وهني ما بقدروا، وأنا ما قدرت أعمل بهالأسلوب".