أكد نقيب المهن التمثيلية في مصر، الدكتور أشرف زكي أن النجم شريف منير يتمتع بصحة جيدة بعد إجرائه عملية جراحية عاجلة.

وقال زكي لـ"فوشيا": الحمد لله شريف بصحة جيدة حيث إنها كانت عملية جراحية بسيطة وهي للفتاق واتصلت للاطمئنان عليه وقد غادر المستشفى أمس الأحد ".

وكان شريف قد نشر صورته وهو في المستشفى عبر موقع "إنستغرام" معلقا: "عملية فتاء على الماشي كدة.. الحمدلله.. شكرا للدكتور أحمد شكري.. ألف شكر المستشفى الجوي، فعلا تحيا مصر".

ويغيب شريف عن دراما رمضان هذا العام بعدما بدأ التحضير لمسلسله "إجازة مفتوحة " مع لقاء الخميسي، سميحة أيوب، هشام إسماعيل، مراد مكرم، دنيا ماهر ومن تأليف أحمد أبو زيد وإخراج محمد حماقي.

كما اعتذر منير لابنته أسما على خطأ قام به تجاهها وعلقت على ذلك عبر إنستغرام قائلة: " هي دي تقريبا علاقتي أنا وأبويا ناقر ونقير، أبويا برج الثور وأنا برج الحمل الاثنين طيبين بس سخنين ومتسرعين، عايزة أحكيلكم على موقف مهم جدا وأثر فيا".

وأضافت: "أبويا عمل حاجة إمبارح علمتني حاجات كتير أوي، للي ميعرفش كان في سوء تفاهم كدا وكنت زعلت شوية منه، فجأة لقيته منزل ڤيديو عنده على الإنستجرام بيطيب خاطري وبيقولي ما تزعليش قدام كل الناس، طبعا أنا كنت طايرة من الفرحة ونسيت اصلا إني كنت في يوم زعلانة لأنها حركة في منتهى الجمال والحنية والطيبة، وكمان علمتني كتير أوي وده اللي خلاني أحكي الموضوع".

وتابعت: "أولا اتعلمت إن الاعتذار بيكبر الواحد جدا عمره ما يصغره، الكبرياء اللي يخلي حد فاكر إنه لو ما اعتذرش هو كده جامد ده كلام فارغ، علمني إني لما أزعل بنتي أعتذر لها لو فعلاً غلطانة عشان عرفت قد إيه بيفرق في النفسية ومش عشان إحنا أهل يبقي مش وارد إننا نغلط".

وأوضحت: "أبويا جريء وصادق واللي على قلبه على لسانه وأنا بحترمه وبحبه وبتعلم منه كل يوم، عامل معادلة صعبة وحقيقي خطيرة، مكس كده بين إنه صاحبي وأبويا، يعني ضحك وتهريج وأحكيله كل حاجة بس وقت الجد عسكري واقفة قدام حضرة الظابط".

واختتمت: "ربنا يبعد عنا العين الوحشة ويباركلي فيه وفي عمره وأفضل أتعلم منه كل يوم وأفضل فخورة إنه أبويا العمر كله".

وكان شريف منير قد ظهر في رمضان الماضي بمسلسل "ونحب تاني ليه" بطولة ياسمين عبدالعزيز، كريم فهمي، سوسن بدر، ايمان السيد، بدرية طلبه وعلا رشدي ومن تأليف عمرو محمود ياسين وإخراج مصطفى فكري.