دافعت الفنانة المصرية هنا الزاهد عن زوجها الفنان أحمد فهمي بعد الانتقادات الحادة التي تعرض لها عقب هجومه على اللاعب المصري عبد الرازق شيكابالا قائد فريق الزمالك، وهو ما دفع جمهوره لاتهامه بإشعال الفتنة بين قطبي الكرة المصرية الأهلي والزمالك.

وقالت هنا الزاهد عبر فيسبوك:"بعيدا ان شهادتي في مجروحة لان الناس هتقول بقول الكلام ده عشان جوزها... انا لا بفهم في الكورة و لا بتفرج عليها بس بشوف قد ايه الانسان ده بيحب يكون عفوي و بينسى انه ممثل".

وأضافت: "كمان بيتعامل مع كل الناس بكل زوق حتى في الشارع وفي التصوير و في كل مكان و الناس اللي عرفاه عارفين ده كويس وانا عارفة انو الناس بتفضل تقول لا ده ممثل مينفعش يقول رأيه".

وأشارت: "بس للاسف الانسان ده بينسى و بيخسر من كتر ما هو اللي ف قلبه على لسانه و مش بيحب ينافق و لا بيرضي حد عشان يكسب جمهور زي م ناس كتير بتعمل كده".

وأكملت: "لما بيكتب رأيه بيكتبوا على اكونت فيس بوك اللي في صحابه زيه زي اي حد اهلاوي بس للاسف بتطلع اخبار بالكلام اللي بيقولوا عموما انا عايزة اقولك انك قلبك طيب و عفوي بزيادة".

وأنهت منشورها: "انت دائما بتقول اللي جواك من غير متحسبها عشان بتنسى انك ممثل اصلا بس الايام دي مينفعش تبقى كده للاسف ، و اعمل اللي يريحك لانك انسان و احنا كده كده بنحبك جدا".

ليرد عليها أحمد فهمي قائلا: "انت اكتر واحدة عارفانى ومعاشرانى .. بس والله انا خلاص مش فارقلى حاجة اصلا".

وكان أحمد فهمي، المعروف بانتمائه لجمهور الأهلي قدّم في البداية اعتذارًا لقائد نادي الزمالك محمود عبدالرازق ‏شيكابالا بعد تعرضه لسخرية وهجوم من بعض جمهور الأهلي‎.

وكتب فهمي، عبر "فيسبوك": "رغم خلافي ‏الشديد معه، ومفيش صلح لا من قريب ولا من بعيد بيني وبينه، لكن ‏موضوع الكلب والفيديو ده حاجة عنصرية جدا الصراحة ومنظر بشع، ‏إحنا جمهور كبير ومحترم وبنقول على الغلط غلط حتى لو طالع من ‏عندنا، الاعتذار عن اللقطة دي واجب، بعتذر لك.. لكن موقفي منك لن ‏يتغير"، حسب قوله‎.‎

لكن الفنان أحمد فهمي أعلن مجددًا عبر حسابه على "فيسبوك" تراجعه ‏عن الاعتذار الذي قدمه لنجم نادي الزمالك، معللًا ذلك بصورة قديمة ‏نشرها شيكابالا اليوم على "استوري" حسابه الشخصي، واعتبرها ‏الأخير مُسيئة لجمهور الأهلي‎.‎