واجهت الفنانة اللبنانية كارمن لبس، هجومًا حادًا من قبل المتابعين اللبنانيين، بسبب تغريدة نشرتها عبر حسابها الشخصي على "تويتر"، وجهت خلالها رسالة إلى الرئيس الفرنسي إيمانويل ماكرون.

ونشرت كارمن صورة لماكرون، ووجهت إليه رسالة قائلة: "تعا وجيب معك الانتداب، ما بقى بدنا هالاستقلال"، ليبدأ سيل من التعليقات الهجومية ضدها، متهمينها بالخضوع والذل والحديث في أمور لا تفهم أبعادها.

ومن بين التعليقات التي شنت هجومًا على كارمن: " عزيزتي كارمن ما بعرف إذا بتعرفي إنّو كتير ناس ضحّت بحياتها لحتى يصير لبنان دولة مستقلة من ورا الإنتداب إللي عم تحكي فيه وما بعرف كمان إذا بتعرفي إنّو الإنتداب يعني احتلال والإحتلال يعني استعباد، تويت غير موفق".

وكتب آخر: "على أساس الاحتلال الفرنسي وغيره من الدول المستعمرة وزعت ورود عالبلدان وشعوبها!! يا لطيف قديش في بشر بتحن وتستمتع تكون مستعبدة من الطواغيت والظلمة".

فيما استنكر آخر أحد التعليقات المؤيدة لتغريدة كارمن، قائلًا: " على شو هل البرافو؟ على طلب انتداب واحتلال؟ يلي بدو انتداب يروح لعندو ما يطلبوا لوطن كامل".

هذه التعليقات دفعت كارمن لبس للرد والدفاع عن نفسها أمام الاتهامات التي وجهت إليها، فقالت في تغريدة جديدة: "أين الاستقلال والعزة؟ إذا مش عايش هون فما تتفلسف، أكبر ذل يلي عم نعيشوا، إذا المستعمر غريب بتحاربو لتبني وطن، بس إذا المستعمر منك وفيك شو بتعمل؟".

وأضافت: "لا تزايد عليي بالعروبة والوطنية أنا كل عمري عشتو هون، أنا حكيت باسمي لا باسمك ولا اسم غيرك، ومش أنت الي بتقلي لمين بسجد، ما بسجد غير لربي".

وكتبت تغريدة ثانية، قالت فيها: "كل واحد ما فهم المعنى المجازي، وأخد الجملة بشكل حرفي هو مسطح عقليا وفكريا، وما بدّي قول بهيم لأنه حرام.... فكل واحد فكره محدود رح إعمل له بلوك لأنه ما بيهمني أعرف إنه موجود بها العالم".

يذكر، أن كارمن لبس تنتظر عرض مسلسل "2020" مع نادين نسيب نجيم وقصي خوري رنده كعدي، فؤاد شرف الدين، حسين مقدم، جنيد، زين الدين، فادي إبراهيم، ومن إخراج فيليب أسمر.