لم تتمالك الفنانة المصرية الشابة، هنا الزاهد، دموعها، عندما تحدثت عن تجربة انفصال والدها عن والدتها، موضحة أنها كانت تتمنى أن يكون معها في كل مراحل عمرها.

وقالت هنا في تصريحات تلفزيونية: "والدتي ووالدي انفصلا وأنا عمري 10 سنين وأختي كان عمرها 8 سنين وأختي الصغيرة 4 سنين.. فعشنا من غيره في مرحلة المراهقة ولما دخلت الجامعة كنت من غيره ولما اشتغلت كمان كنت من غيره.. فهو ماشفش تفاصيل كتير أوي في حياتي ولا حياة نور وفرح اخواتي".

ووجهت الزاهد رسالة مؤثرة لوالدها، قائلة: "عايزة أقوله أنا مسامحاك إن إنت مكنتش معايا الأيام دي، وكان نفسي تكون معايا، وأنا عارفة إنك بتحبني أوي ومبسوط وفخور بيا وأنا كمان بحبك أوي".

وتابعت: "وأنا لما بدأت يجيلي الشغل الي بحبه ويجيلي عروض كنت بتنطط من الفرح مع ماما وإخواتي وكان نفسي تكون معايا، إنت فاتك كتير أوي في حياتنا وعارفة إنه مش بإيدك وأنا سامحتك".

واختتمت رسالتها، قائلة: "عايزة أقولك سامحني إني مكنتش بسأل على ملك وعمر ولاده وإخواتي وأنا هسأل عليك أكتر من كده، وأنا نفسى تبقى قريب مني زي ماما بالظبط.. وسامحني وأنا كمان هسامحك.. وأنا بحبك أوي وإنت أعظم أب في الدنيا".

يذكر أن الفنانة المصرية هنا الزاهد تشارك في الماراثون الرمضاني بمسلسل "الواد سيد الشحات" مع خطيبها الفنان المصري أحمد فهمي، حيث تلعب أكثر من شخصية على مدار 30 حلقة في إطار كوميدي.

https://www.instagram.com/p/ByDBw-wHQYK/?igshid=66i4i2xlshg1