كشفت الفنانة المصرية حلا شيحة عن أصعب موقف تعرّضت له بعد طلاقها من زوجها، موضحةً أنه لحظة توديعها لاثنين من أبنائها في المطار قبل ذهابهما للعيش مع والدهما.

وقالت في تصريحات تلفزيونية: "طبعا أنا لمدة 11 سنة كنت أم وعندي 4 أولاد ومتعلقة بيهم جدًا وهما كمان متعلقين بيا جدًا.. ومع التغيير ده، أنا كنت عارفة خلاص في حاجات في حياتي لازم تتغير.. وكان من ضمن التغيير ده في حاجات كنت عارفة إنها هتحصل أنا مش حباها".

وتابعت: "يعني أنا عندي 4 اولاد، اتنين مع باباهم واتنين معايا.. الإحساس ده لوحده بيقطع القلب، خصوصًا لما الأم بتكون بتحب ولادها أوي وأنا مرتبطة بيهم أوي".

وتحدّثت عن أسباب عودتها إلى مصر، قائلةً: "أنا حسيت إني محتاجة اغير لأسباب جيده بالنسبة لي، ممكن الناس كلها متبقاش فاهمة ليه.. فخدت القرار بقوة إني أرجع بلدي وهقف على رجلي ومش هحتاج لحد في أي حاجة، وفي نفس الوقت هسيب ولادي".

وأوضحت: "أنا لما بعدت عن الفن كان عمري 27 سنة ودلوقتي عمري 39 سنة.. وحاسة إني مبسوطة من القرار اللي أخذته لأني بالفعل محتاجة أغير لأسباب جيدة بالنسبة لي، ومش لازم أشرحها لأحد".

واختتمت حلا: "كل ده مش بيديني حزن على قد ما بيديني قوة إني هنجح وهبقى حاجة كويسة ومشرفة لولادي وحاسة إني هقدر أكون كده".

https://www.instagram.com/p/BxZzEFRhBPx/?utm_source=ig_share_sheet&igshid=153386246o3yn

وكانت الفنانة المصرية، حلا شيحة، قد طلبت الطلاق من زوجها الكندي يوسف هاريسون، بعد زواج استمرّ بينهما قرابة الـ12 عامًا، أنجبا فيها 4 أبناء.

وأكّد مصدر مقرّب، من الفنانة المصرية في تصريح خاص لـ"فوشيا" أن الطلاق وقع منذ أشهر قليلة، لعدم توصلهما لحل يُرضي الطرفين بشأن عودة حلا للتمثيل، وخلعها الحجاب.