كشفت الفنانة اللبنانية نادين نسيب نجيب، عن أصعب اللحظات التي مرت عليها في عام 2018، وأمنيتها في العام الجديد، الذي تفصلنا عن بدايته ساعات قليلة.

ونشرت نادين صورة لها عبر حسابها الشخصي في "إنستغرام"، وعلقت عليها قائلة: "بعد في 24 ساعة وبتخلص السنة وبتبلش سنة جديدة... أولاً شكراً إنه ربنا عطانا فرصة نعيش ونستقبل سنة جديدة".

وأضافت: "شكرًا على كل النعم والمشاكل والفرح والحزن والنجاح والخيبات يلي مرقنا فين لأنه الحياة حلوة بالأوقات الحلوة والمرّة، بتمنى السنة الجديدة تحمل كل الخير وتكون ماشية معنا لنحقق كل شي حابين نعمله واهم الشي الصحة".

وتابعت الفنانة اللبنانية: "2018 على قد ما عطيتني أخدت مني وأخدت مني أغلى شي عندي... بيي الله يرحمه وما حسّيت بفرحة العيد هل السنة لأنه اشتقتلك حدي".

وأردفت: "بس الحياة بتكفي وبتعلمك تكون قوي ومبسوط بحياتك لأنه الحياة نعمة ما بتعرف إيمتى بتروح منك".

واختتمت: "بطلب من الله متل دائمًا يقوي إيماني ويعطيني الصبر والحكمة تضل قد حالي مهما كانت ظروفي... بتمنالكم سنة حلوة والله يعطيكم على قد نيتكم وأكتر".

يذكر أن نادين نسيب نجيم ستُشارك في الموسم الرمضاني المقبل بمسلسل "خمسة ونص" إلى جانب الفنان السوري قصي خولي، من إنتاج شركة الصباح.