أعلنت الإعلامية المصرية سالي عبدالسلام، عن إصابتها بمرض الثعلبة من جديد، بعد أن كانت تعافت منه، موضحة أن هذه المرة أصعب وأكثر شراسة.

وقالت سالي عبر صفحتها الرسمية في فيسبوك: "بقالي يومين مستنية أتأكد، ملحقتش أوقف الكورتيزون شهرين، لسة عارفة من شوية إني لازم أرجعله تاني وجرعة أكبر من المرة اللي فاتت عشان مناعتي بتهاجم شعري تاني، وعايزة توقعه وحصل زي المرة اللي فاتت أو أكتر الحمدلله".

وتابعت: "لازم الكورتيزون عشان يوقف نشاطها، سبحانك، ضغط وعصبية ومناعة مش مظبوطة وتهاجم أي منطقة في جسمك..الحمدلله".

وأضافت الإعلامية المصرية: "أقسم بالله العلي العظيم ما ليا روتين في شعري..أقسم بالله ما برد على كومنتات ومسجات مرعبة وملحة عشان قلت مليون مرة ورديت مرة واحدة فمش لازم لما مردش تغلطي، أقسم بالله بتبقى طبيعة شعر وبحط اكستنشنز زي أغلب البنات".

وأردفت: "أقسم بالله ما ببقى عايزة أتكلم عنه عشان متضايقة وخايفة من اللي شفته مش خبيثة! ومليش في الجو ده!".

واختتمت حديثها قائلة: "الكورتيزون دمار نفسي في الجسم والشعر والبشرة ومبيتعالجش مضعفاته قبل ٦ أشهر على الأقل، الحمدلله، ملحقتش أفوق يا رب...ادعولي وشكرًا والحمدلله..ادعولي يطلع التشخيص غلط! أي أمل! ادعولي تروح وميطلعش في حاجة..أي أمل ..ماشاء الله اللهم بارك".

وكانت سالي عبدالسلام كشفت عن إصابتها بمرض الثعلبة، وهو ما أدى إلى تساقط كم كبير من شعرها، موضحة أنها خضعت لعلاج استمر لعام كامل حتى أنعم الله عليها بالشفاء.

وكتبت عبر حسابها الشخصي على موقع "إنستغرام": "بقالي سنة بحضر للزيارة دي!.. بعد ما الحمدلله ربنا عفا عني وشفاني بعد ابتلاء واختبار".

وأضافت: "كنت زعلانة على نفسي سنة ومش عارفة أفرح!! بس رحت للناس الأقوى مني اللي خسرت شعرها كله ولسة مش عارفة هتعالج المرض ده ولا لا! رحت أتعلم الرضا رحت أتعلم الحمد بضمير مرتاح رحت عشان أعرف الابتلاء وأتعلم منهم...رحت أهون عليهم".