زوج عبير صبري: أنا ومراتي بنعمل لبعض حساب.. ولن أدخل مجال التمثيل
زوج عبير صبري: أنا ومراتي بنعمل لبعض حساب.. ولن أدخل مجال التمثيلزوج عبير صبري: أنا ومراتي بنعمل لبعض حساب.. ولن أدخل مجال التمثيل

زوج عبير صبري: أنا ومراتي بنعمل لبعض حساب.. ولن أدخل مجال التمثيل


 

رفض المحامي الدولي أيمن البياع، زوج الفنانة المصرية عبير صبري، حصر الدورة الرابعة من مهرجان الجونة السينمائي، في الفساتين الجريئة، مشيرًا إلى أنه كانت هناك أشياء أخرى مفيدة ومميزة في المهرجان، بخلاف جرأة بعض الفنانات.

وقال البياع في لقاء خاص مع موقع "فوشيا": "هي دي مشكلة السوشال ميديا، هي اللي بتوصل الأخبار، وصلت الأخبار غلط، كان في أفلام حلوة واتفرجنا على أكثر من فيلم وفازوا بجوائز، منها فيلم 200 متر الفلسطيني، وانبسطنا إن خالد الصاوي اتكرم وقال كلام كتير جميل".

وأضاف: "المهرجان كان كويس وناجح، المشكلة كانت في السوشال ميديا، هما وزعوا الأخبار بخصوص الفساتين ومتعمقوش في الدورة نفسها، إحنا في زمن الكورونا، فالمهرجان عمل أحسن شيء في سنة 2020، ويا رب تعدي السنة دي على خير وسلام".

وتابع: "السوشال ميديا ركزت على الناس اللي مزودينها شوية في الفساتين، ولكن كان في فساتين كتير محترمة، شوفتوا عبير صبري كانت لابسة ايه، وإلهام شاهين وهالة صدقي وغيرهم كتير".

وأردفت: "بياخدوا اللقطة اللي تجيب مشاهدات، وده أكيد غلط، قبل ما أروح المهرجان كنت كده ومتأثر باللي بيتقال، وعبير قالتلي خلاص بلاش نروح بس أنا قلت ليها خلينا نروح، واللي شوفناه في المهرجان بعيد كل البعد عن السوشال ميديا".

وبسؤاله هل يتدخل في اختيارات أزياء عبير صبري، أجاب قائلًا: "عبير في كل حالاتها وفي كل المهرجانات ملتزمة بلبسها، أنا بدعمها ومش بغير من الستايل الي هتظهر بيه، لإنها نجمة وطبيعي إنها تحافظ على مظهرها، كنا بنفاضل بين فستانين نفس اللون واخترنا واحد منهم".

وواصل: "أنا بحترم عبير وهي بتحترمني وبنعمل لبعض حساب، وبنحاول تكون حياتنا هادية وبعيدة عن مواقع التواصل الاجتماعي، إحنا متجوزين لإننا بنحب بعض".

واختتم: "أنا بعيد تمامًا عن السوشال ميديا، طلعوا كلام إني همثل وفي أدوار اتعرضت عليا، أنا اتجوزت عبير لإني بحبها ولا يمكن أدخل في مجال الفن".

يذكر أن عبير صبري شاركت في موسم دراما رمضان الماضي، من خلال مسلسل "خيانة عهد" مع النجمة يسرا، وحقق العمل نجاحًا كبيرًا من حيث نسب المشاهدة.

Related Stories

No stories found.
logo
فوشيا
www.foochia.com