المصفف هيثم دهب: رانيا يوسف "بتسيبلي نفسها".. وأحببت هذه الإطلالات
المصفف هيثم دهب: رانيا يوسف "بتسيبلي نفسها".. وأحببت هذه الإطلالاتالمصفف هيثم دهب: رانيا يوسف "بتسيبلي نفسها".. وأحببت هذه الإطلالات

المصفف هيثم دهب: رانيا يوسف "بتسيبلي نفسها".. وأحببت هذه الإطلالات


تغزل مصفف الشعر المصري هيثم دهب، بمواطنته الفنانة رانيا يوسف، لافتًا إلى أنها دائمًا ما تتعاون معه وتظهر في المناسبات الفنية بإطلالات وتسريحات شعر تحمل توقيعه.

وقال هيثم في لقاء مع موقع "فوشيا": "رانيا ما شاء الله عليها اللوك دايمًا معايا أنا بالذات بيبقى مختلف، بحب وشها جدا وبتسيبلي نفسها إني اشتغل براحتي فده اللي بيخليني دايما عاوز أطلعها في أحلى شكل".

وعن إطلالتها في مهرجان الجونة السينمائي، قال دهب: "هي إمبارح من أحلى الإطلالات، كان معايا رانيا وروجينا وأيتن عامر وميساء مغربي وأروى جودة وجومانا مراد وكندة علوش وعائشة بن أحمد والحمدلله قدرت على قد ما أقدر أعمل حاجات كويسة يا رب تكون نالت إعجاب الناس".

وعن أكثر تسريحات الشعر التي نالت إعجابه من الفنانات اللاتي حضرن حفل افتتاح مهرجان الجونة، قال: "حبيت لوك مي سليم ولوك ياسمين صبري وبشرى".

وأردف: "في ناس كتير تانية ظهروا بشكل كويس، الآراء بتختلف ومش بيكون في إجماع على رأي واحد، مفيش حاجة وحشة، كلهم بيطلعوا زي القمر، بس بيتقال يا ريت كانت لمت شعرها أو سابت شعرها، كل واحدة حسب إطلالتها".

وعن إطلالة شيرين رضا، قال: "اللوك بتاعها مختلف، بس كنت أحب يكون شكل آخر ليها، لو كان شعرها من غير ضفاير، سايب أو ملموم كان هيبقى أحلى".

واستطرد: "موضة الشتاء بتميل للألوان الغامقة والدافية، قليل أوي الي بتلاقي ناس مبيغيروش زي البلوندات، شيرين رضا وعائشة بن أحمد".

واختتم: "شيرين رضا يليق عليها أي حاجة، هي البلوند طبعا أحلى حاجة بتليق عليها، واعتقد مش هتخاطر إنها تعمل لون غامق بس لو عملته هيليق عليها برده".

وأقيم الجمعة، حفل افتتاح الدورة الرابعة من مهرجان الجونة السينمائي، وسط حضور عدد كبير من نجوم الفن والإعلام، أبرزهم أحمد السقا ومها الصغير وليلى علوي وإلهام شاهين وهالة صدقي ويسرا وشيرين رضا ومنة شلبي وغادة عادل وهدى المفتي وأحمد رزق وخالد الصاوي ومحمد فراج وإيناس الدغيدي وبشرى وغيرهم.

ويعرض مهرجان الجونة السينمائي في دورته الرابعة 65 فيلمًا في مختلف المسابقات من 42 دولة، بينهم 16 فيلمًا في مسابقة الأفلام الروائية، أما مسابقة الأفلام الوثائقية فيشارك بها 10 أفلام، وتستمر الفعاليات التي بدأت أمس 23 أكتوبر حتى 31 من الشهر ذاته.

Related Stories

No stories found.
logo
فوشيا
www.foochia.com