مصفف الشعر "زيزو": العمل مع أحمد السقا "صعب جدا".. وإطلالة محمد فراج غريبة
مصفف الشعر "زيزو": العمل مع أحمد السقا "صعب جدا".. وإطلالة محمد فراج غريبةمصفف الشعر "زيزو": العمل مع أحمد السقا "صعب جدا".. وإطلالة محمد فراج غريبة

مصفف الشعر "زيزو": العمل مع أحمد السقا "صعب جدا".. وإطلالة محمد فراج غريبة

قال مصفف الشعر الرجالي المصري زيزو، إن العمل مع مواطنه الفنان أحمد السقا، يعد صعبًا، بعكس ما يمكن أن يتخيل الجمهور، لا سيما أن شعر السقا قصير للغاية.

وأوضح زيزو في لقاء مع موقع "فوشيا": "أحمد السقا ممكن يكون الناس فاهمة إنه دايما بيجيب شعره لقدام فالشغل فيه سهل، إنما الموضوع بالعكس تمامًا، الشغل معاه صعب طبعا".

وتابع حديثه ضاحكًا: "سوري يعني يا سقا، لما يكون عندك الماتيريال قليل وتقدري تطلعي منه أشكال مختلفة زي ما عملت معاه في فيلم هروب اضطراري، وخليته يربي دقنه وعملت شكل جديد".

وأردف: "الموضوع قليل بس في لمسات فنية ولازم يبقى حد حافظ دماغه كويس أوي علشان يقدر يطلع منه كذا شكل".

وعما إذا كان قد تعمد إعادة لوك شخصية "أدريانو" التي جسدها السقا في فيلم "همام في أمستردام"، في إطلالة النجم المصري بمهرجان الجونة السينمائي، في افتتاح الدورة الرابعة، قال: "لا مكنتش عامل لوك أدريانو، مش فاكر اللوك أوي، بس هو ساعتها فعلا كان شايل الإجناب برده، ولكن الأمر غير متعمد".

وواصل حديثه قائلًا: "إن شاء الله محضرين لفيلم جديد هيطلع بشكل مختلف تمامًا".

وعن الفنان خالد الصاوي، قال زيزو: "بالنسبة لخالد الصاوي بقى مطول شعره وبدأ يهتم بيه وبيعمل بيه كذا شكل وساعات بيربي دقنه وبيعمل حاجات جديدة عليه وهو فنان جامد جدا وأنا بحبه جدًا".

وعن إطلالات المشاهير من الرجال في مهرجان الجونة وأكثر ما لفت انتباهه، أجاب مصفف الشعر المصري: "النجم محمد فراج كان طالع بلوك جديد جدا، كنت مستغربه بس شكله بيحضر لشخصية، دقنه طويلة جدا عاملة زي ما يكون شيوخ حاجة كده، بس أنا كنت شايف إنها ممكن تتعمل بشكل تاني، يعني أنا دايما بحب أربط الدقن بالشعر".

وأقيم مساء أمس الجمعة، حفل افتتاح الدورة الرابعة من مهرجان الجونة السينمائي، وسط حضور عدد كبير من نجوم الفن والإعلام، أبرزهم أحمد السقا ومها الصغير وليلى علوي وإلهام شاهين وهالة صدقي ويسرا وشيرين رضا ومنة شلبي وغادة عادل وهدى المفتي وأحمد رزق وخالد الصاوي ومحمد فراج وإيناس الدغيدي وبشرى وغيرهم.

Related Stories

No stories found.
logo
فوشيا
www.foochia.com