عمر كمال: حظي سيئ بسبب الشهرة.. وسويت خلافاتي مع شاكوش
عمر كمال: حظي سيئ بسبب الشهرة.. وسويت خلافاتي مع شاكوش عمر كمال: حظي سيئ بسبب الشهرة.. وسويت خلافاتي مع شاكوش

عمر كمال: حظي سيئ بسبب الشهرة.. وسويت خلافاتي مع شاكوش


 

قال المطرب الشعبي المصري عمر كمال، إنه يعاني من سوء حظ كبير، منذ أن أصبح نجمًا معروفًا وحققت أغانيه نسب مشاهدة مرتفعة على "يوتيوب".

وأوضح كمال في تصريحات خاصة لـ"فوشيا": "لما نجحت وربنا كرمني حصلت خلافات مع شريكي، ولما ابتدينا نرجع نشتغل تاني اتوقفنا، ولما الوقف جالنا وقولنا نعمل حفلات برة مصر، الكورونا جت، ولما حبيت أعمل فيديو توعية مع صديق ليا بشكل كوميدي، اتفهمت غلط، علطول بيصادفني سوء حظ".

وعن حقيقة القبض عليه بسبب مخالفة الإجراءات الاحترازية لفيروس كورونا وإحيائه حفل زفاف، قال: "أنا مأحيتش فرح، أنا كنت أعرف أخو العريس والفرح كان في فيلا خاصة مش في قاعة، ورحت سلمت على الناس وشغلوا أغنية بنت الجيران، فاضطريت إني أحيي الناس و10 دقائق ومشيت".

وتابع: "فوجئت بعدها بيومين تلاتة إن في موضوع وفي قضية واتعمل محضر، والمحامي بلغني وإحنا متابعين القضية دلوقتي".

وعن أزمة إيقافه من نقابة الموسيقيين: "النقابة شافت إننا رحنا في مكان كبير واتقال خمور وحشيش، فاتاخد موقف ضدنا، وإحنا كنا في طريقنا لحل المشكلة، بس حصل أزمة كورونا والموضوع اترمى في الدرج".

وواصل: "أكيد مش هتوقف مدى الحياة، أنا مقاتلتش قتيل ولا اتمسكت في شقة، أنا راجل نقابي، ومش أنا اللي قلت جملة خمور وحشيش، ومفيش ولا أغنية ليا فيها جملة أو لفظ مش كويس".

وعن علاقته بالثنائي حمو بيكا وحسن شاكوش، قال: "علاقتي بحمو بيكا جيدة، وكمان علاقتي بشاكوش كويسة على فكرة، وسوينا خلافاتنا، وقررنا نتعامل بالورقة والقلم وده مش هيزعل حد، ونزلنا آخر حاجة أغنية شيكولاتة سايحة جوة كيك وعملت 15 مليون مشاهدة وده رقم مش وحش بالنسبة للأزمة الحالية".

واستطرد: "مش بس أغنية بنت الجيران اللي نجحت ليا أنا وشاكوش، في أغنية عود البطل، حققت 250 مليون مشاهدة يعني ربع مليار وده رقم كبير، وكمان في أغنية شمس المجرة، ودي حققت أكتر من 80 مليون مشاهدة".

يذكر أن نقابة الموسيقيين كانت قد قررت إيقاف عمر كمال وحسن شاكوش عن الغناء وإحياء الحفلات في مصر، بسبب قيامها بأداء أغنية "بنت الجيران" في حفل استاد القاهرة بمناسبة عيد الحب، وكان من ضمن كلمات الأغنية جملة "شربت خمور وحشيش"، الأمر الذي دفع محامين لتقديم بلاغات ضدهما بتهمة تحريض الشباب على تناول المخدرات والخمور

Related Stories

No stories found.
logo
فوشيا
www.foochia.com