بكاء لبلبة ويسرا في افتتاح مهرجان القاهرة السينمائي
بكاء لبلبة ويسرا في افتتاح مهرجان القاهرة السينمائي بكاء لبلبة ويسرا في افتتاح مهرجان القاهرة السينمائي

بكاء لبلبة ويسرا في افتتاح مهرجان القاهرة السينمائي

لم تتمالك الممثلة المصرية لبلبة دموعها بعد تكريمها في حفل افتتاح مهرجان القاهرة السينمائي بدورته الـ 44، حيث تم منحها جائزة الهرم الذهبي التقديرية لإنجاز العمر.
وجاءت هذه الجائزة تقديرًا لمسيرتها الفنية الكبيرة التي قدمتها خلال السنوات الماضية، والتي تنوعت ما بين المسرح والسينما والتلفزيون والاستعراض.
ووجهت لبلبة رسالة بعد تكريمها قالت فيها أمام الحضور: "بشكر بلدي مصر اللي تربيت من خيرها، ووزيرة الثقافة الدكتورة نيفين الكيلاني، وحسين فهمي رئيس مهرجان القاهرة، وجمهوري اللي شجعني وأنا طفلة ولحد اللحظة الحالية".


وأضافت: "بشكر كل اللي اشتغلت معاهم الممثلين والمخرجين والعمال اللي اتربيت في وسطهم بشكرهم أوي، وبشكر كل زمايلي اللي فيه بيني وبينهم عشرة طويلة وبحبهم وعارفة أنهم بيحبوني".
وتابعت وهي تبكي: "دايمًا لما ببص في الكواليس بلاقي والدتي بتشجعني، ومفيش مرة ماكنتش واقفة في الكواليس، لما كانوا يعلنوا عن مهرجان القاهرة تقول لي إنتي هتتكرمي، وما يحصلش نصيب، والسنة اللي بعدها تقول لي هتتكرمي السنة دي أنت أكتر واحدة اشتغلتي وبرضه ما يحصلش نصيب، ودلوقتي أنا بحقق لها أمنية، ولكن هي مش موجودة وأنا بتكرم النهارده".


واستذكرت لبلبة موقفا خلال تكريمها، قائلة: "والدتي لما كانت حامل فيا كانت بتتفرج في السينما على فيلم وجالها وجع الولادة وبسرعة لحقوها ولو ماكنوش ودوها المستشفى كنت هتولد في السينما"، مضيفة: "اللي حصل حاجة غريبة لأني أتولد زي النهادره 13 نوفمبر الساعة 12".

يسرا تبكى أثناء توجيه التحية للراحل هشام سليم بحفل الافتتاح



كما انهمرت دموع الفنانة يسرا وذلك بعدما وجه المهرجان التحية للراحل هشام سليم شقيق زوجها خالد سليم.
وعرضت إدارة المهرجان مقاطع من أعمال فنانين رحلوا أخيرا وهم: مها أبو عوف، والمخرج علي عبد الخالق، وهشام سليم.

تكريم المخرجة كاملة أبو ذكري


 


وكانت من ضمن المكرمات أيضًا المخرجة كاملة أبو ذكري، حيث أعربت عن سعادتها  وقالت: "أنا صراحة مش عارفة أقول إيه حلم كبير مش مصدقة إنه بيتحقق، حاجة مكنتش في خيالي أصلا".
وأضافت: "الحقيقة أشعر بامتنان وحب وتقدير من كل الفنانين اللي قابلتهم، واللي آمنوا بيا واللي مآمنوش بيا أثروا فيا".
وتابعت: "مشوار كبير 16 سنة، عمري كله قضيته في السينما، عشق وحب، مهرجان القاهرة كنت بحلم أدخله دلوقتي واقفة بتكرم، تقدير وامتنان لكل فنان شفت مشهد حلو واتعلمت منه حاجة، وكل فنان اشتغلت معاه وقدمني".

Related Stories

No stories found.
logo
فوشيا
www.foochia.com