كشفت الفنانة المصرية نهى العمروسي أنها تمكنت من الخروج وابنتها نازلي من القضية التي عُرفت إعلاميا بـ"الفيرمونت"؛ لأنها لجأت إلى الله وأمدّها بالقوة والنور والحكمة.
وأضافت العمروسي في تصريحات تلفزيونية أنها أخطأت في تربية ابنتها، فهي شخصية مستقلة وتركت لها الحرية كما عاشتها، وعلقت: "وأنا اتربيت على الحرية وأني أختار المهنة اللي أنا عاوزاها، وربيت بنتي كده وهي مش عاوزة تقرب من الوسط نهائي".
وتابعت: " خرجنا من الأزمة بمساعدة ربنا وقوته، ربنا اللي بيعطي القوة، وهي ربنا يكون في عونها كانت في أزمة من قبل أزمة القضية، واستحملت كتير، لكن الحمد لله إحنا أقوياء وعندنا قوة وقدرات ما نعرفهاش، ولجأنا لربنا سبحانه وتعالى لأنه بيديكي القوة والنور والحكمة.
ولفتت نهى العمروسي: "غلطات كبيرة ما كنتش قصداها، بالإضافة إلى أن الطريقة اللي قلت بيها إزاي بابها مات كانت غلط، وأنا مش ندمانة لكني بواجه نفسي وأشوف لو ظلمت أراجع نفسي وأعتذر وأطلب السماح".
كما بينت الفنانة في تصريحاتها: "بلغتها بوفاة والدها بطريقة عبيطة أو بطريقة الأم اللي معندهاش خبرة، وما كنتش قلت لها في الأول وبعدها بكام شهر كانت عندها أربع سنين، وكانت بتدور تحت الكنب على والدها فقلت لها طلع السما، قعدت تضحك ضحك السنين، وده مش طبيعي أكيد مش مؤشر صح، فكان لازم أستشير دكتور نفساني لكن ما عملتش كده ومش عاوزة اقول لا مبالاة علشان ما أكونش بقسى على نفسي، لكن عرفت بعدها أن موته أثر فيها جامد وكانت بتدور عليه في كل حتة وقالت لي وهي عندها 9 سنين مش مصدقة أنه مات".