صابرين: موقف حلا شيحة كان مريبا.. واللي هينزل معايا القبر يحاسبني
صابرين: موقف حلا شيحة كان مريبا.. واللي هينزل معايا القبر يحاسبنيصابرين: موقف حلا شيحة كان مريبا.. واللي هينزل معايا القبر يحاسبني

صابرين: موقف حلا شيحة كان مريبا.. واللي هينزل معايا القبر يحاسبني

علقت الفنانة المصرية صابرين، على اعتزال الفنانة حلا شيحة الفن، وارتدائها الحجاب مجددًا قبل أسابيع قليلة، عقب عرض الفيلم الذي شاركت فيه مع تامر حسني، بعنوان "مش أنا"، وقد أثار أزمة بينهما.

وقالت صابرين خلال استضافتها في برنامج "كلمة أخيرة"، الذي تقدمه لميس الحديدي مساء الثلاثاء: "موقف الفنانة حلا شيحة كان مريبًا، وشوفتها لما اتنقبت وفكت واتحجبت وجمعتني بيها مناسبة، بس آخر حاجة عملتها، حسيت إن في حاجة غلط، وبعدين لما رجعت، عملت مسلسل خيانة عهد".

وأضافت: "حلا ممكن تكون اتخبطت ونسيت التمثيل، وكل واحد فينا بيجي عليه وقت بيتخبط، بس اللي عملته أوفر شوية، وأكثر حاجة أزعجتني العلاقة بينها وبين باباها، أنا بالنسبة لي هي تعمل اللي عايزاه وحرة ودي حياتها ولا أجرؤ أعلق، بس اللي حصل مع أبوها دايقني، بشوف إن الأب والأم استوب خط مش أحمر، ملتهب".


أما بشأن القرار الذي اتخذته صابرين بخلع الحجاب، فقد قالت بأنها وكلّت الله لكي يوفقها للقرار المناسب، مؤكدة أن هناك أشخاصًا نهايتهم تكون جيدة، ولم تكن طريقة ملابسهم هي التي اعتاد عليها الأشخاص، كما أن هناك أشخاصًا ملتزمين، ولكن معاملتهم مع والديهم سيئة.

وأشارت إلى أنه عند ارتدائها الباروكة "اتقلبت الدنيا، ونزلي مانشيت هعمل كوميدي بالباروكة يعني إيه طيب أعمل كوميدي وأنا قرعة وحسيت إن اللقب بتاعي هيبقى صابرين أم باروكة".

وأوضحت أن الأقاويل هدأت بعد أن خلعت الحجاب، مشيرة إلى أنه لا يوجد شيء في الحياة اتفق عليه الجميع.

وواصلت صابرين: "الحجاب كان في حالة انفصال في البيت ولخبطة، أهم حاجة الواحد يعمل اللي بيحبه بصدق، ولما قررت أفك الحجاب قولت أنا مش بعمل الصح أوي، وليه ابقى بوشين ولا 3 وشوش، وليه مواربة باب الناس بتهاجمني عشان الباروكة، وأنا لما كنت بقعد مع نفسي كنت بقول أهو الباروكة أحسن ما أعمل حاجة تانية، بعدين قولت لنفسي أنا مكنتش بلبس حاجة والناس كانت بتشيد باحترام الأدوار، والناس ابتدت تعلق الشماعة ليا، وقولت يعني إيه لو كسبت العالم وخسرت نفسي، وحسيت إني حابة نفسي أكثر وفي تصالح والعلاقة مع ربنا بيني وبينه، ومحدش بيسألني أنت صليتي ولا لأ وصومتي ولا لأ ومحدش بيعرف واجباتك في السر".

وأردفت صابرين: "دايما كنت بقول اللي هينزل معايا القبر يحاسبني، وكان في تعليقات ناس تقولي إحنا بنحبك في الله وبننصحك وأنا بحب ده وبحترمه، وفي ناس بقى تخصص بهدلة، وكانوا لجان وبيكون باين مين بينصح بمحبة ومين بيشوط وخلاص".


وكانت صابرين قد خلعت الحجاب تدريجيًا، حيث قررت في البداية ارتداء باروكة، ثم بعدها أعلنت خلع الحجاب مرة أخرى، لتعود كما كانت بشعرها فقط.

 

Related Stories

No stories found.
logo
فوشيا
www.foochia.com