أحمد السقا يعتذر لتامر حسني.. وهنيدي يعلق: فاضحينا على الفضائيات
أحمد السقا يعتذر لتامر حسني.. وهنيدي يعلق: فاضحينا على الفضائياتأحمد السقا يعتذر لتامر حسني.. وهنيدي يعلق: فاضحينا على الفضائيات

أحمد السقا يعتذر لتامر حسني.. وهنيدي يعلق: فاضحينا على الفضائيات

اعتذر الفنان المصري أحمد السقا لمواطنه تامر حسني، بسبب معاتبته عبر أحد البرامج التلفزيونية وعدم التحدث إليه مباشرة، مشيرًا إلى أنه بالفعل يشعر بأنه أخطأ في هذا التصرف.

ووجه السقا رسالة اعتذار لتامر، عبر صفحته الرسمية على موقع "فيسبوك"، قائلا: "رسالة إلى صديق عزيز.. صديقي وأخي العزيز تامر حسني.. أنت عارف اللي بيني وبينك عيش وملح وحاجات كتير.. قد أكون أخطأت إني تكلمت في الموضوع على الهواء، ولكن يعلم الله كم كنت مجروحًا وكم كنت حزينًا".

وتابع: "مش هطول عليك أكتر من كده ولو أنا زعلت شوية وأنت شوية نبقى خالصين يا عم.. تامر حسني إحنا اللى بينا كتير ما تزعلش يا عم وحقك عليا... وميعادنا الحفلة اللي جاية.. أحمد السقا".

ودخل الفنان المصري محمد هنيدي على الخط بخفة دمه المعهودة، لكي يعلق على المنشور، قائلا: "عايز رقم تامر يا سقا تتكلموا بدل ما انتوا فاضحينا على الفضائيات والسوشال ميديا كده؟".

وتعود بداية القصة إلى قيام الفنان أحمد السقا بمعاتبة الفنان تامر حسني في مقابلة تلفزيونية مع الإعلامية المصرية وفاء الكيلاني عبر برنامجها "السيرة"، قائلا: "تامر جاملني فى مسلسلي ولد الغلابة وظهر في أحد المشاهد، وقمت بنفس الأمر بالظهور في مشهد بفيلمه الفلوس، ولكن مع طرح الفيلم في دور العرض وجدت بوسترات للفيلم منتشرة عليها صورتي ومكتوب عليها بطولة أحمد السقا".


وأضاف: "اتصلت بتامر، وقال لي إنه لا يعلم شيئا عنها، وأنها من صنع الجمهور، وربما تكون الشركة المنتجة هي من فعلت ذلك وليس هو، ولكني حزين مما حدث، لأنه يستحيل أن يحدث هذا الأمر بدون علم تامر، من معرفتي بتامر أنه لا يفعل ذلك، ولكن ربما لم يهتم بالموضوع..".

وجاء رد تامر سريعا بعد هذه المعاتبة؛ إذ قال عبر خاصية الستوري في "إنستغرام": "حبيبي وأخويا وصديق العمر ونجم الدنيا كلها أحمد السقا، كنت أتمنى إنك تكلمني بيني وبينك، ولو كنت زعلان من أي حاجة أو فاهم أي حاجة غلط، لأن الحجات دي لا يمكن تفوتك، وأنا كنت أتمنى مكتبش الكلام دا هنا، بس عشان بعد كلامك فى التلفزيون، الجمهور الكريم بقى ليه حق إنه يفهم الصح".

وأوضح: "عشان أفكرك بس، أنت كلمتني وقلت لي فيه خبر في موقع، وعليه صورة افتراضية للفيلم، وكاتبين أنك بطل في الفيلم، وأنا رديت عليك إن دي اجتهادات صحفية والصورة من تصميم محبين اللي أكيد فرحوا بالخبر إننا مع بعض، حتى أنا مقولتش إن دي الشركة المنتجة، لأنها شركة كبيرة، ولا يمكن تعمل كدا، لأن الفيلم متباع للخارج والداخل باسم أخوك تامر حسني، نزل والناس كلها شافته، وأنت مش فيه ولا فيه اسمك، كل الابطال طالعين مرسومين، ومعرفش زعلك من أيه الحقيقة، كان ممكن تزعل لو الكلام دا نزل على صفحتي أو صفحة الشركة المنتجة".

واختتم حديثه: “أنا شرحتلك ده من سنة واتكلمنا بعدها، مرة عيدت عليك في عيد ميلادك والتانية بخصوص برنامجك، ولو كنت لسه زعلان كنت هتقولي ساعتها، الفيلم بقاله سنة يا أحمد.. أنت حبيبي يا أحمد وصديق عمر، عشان كده أنا اللي مش هزعل منك، معلش طولت في الكلام، لأن برضو زعلك يعز عليا”.

 

Related Stories

No stories found.
logo
فوشيا
www.foochia.com